قازاقستاننىڭ سىرتقى ىستەر ءمينيسترى قايرات ءابدىراحمانوۆ بۇل ماڭىزدى قۇجاتقا قول قويۋ قازاقستان مەن رەسەي قاتىناسىنىڭ وداقتاستىق سيپاتىن العاشقى رەت بەلگىلەپ, ءبىزدىڭ ەلدەر اراسىنداعى ىنتىماقتاستىقتىڭ ۇلگىلى مودەلىنىڭ نىعايۋىنا جانە جان-جاقتى ءوزارا ىقپالداستىعىنا جاعداي جاساعانىن اتاپ ءوتتى.
«وتكەن كەزەڭدە دەكلاراتسيا ءبىزدىڭ ەلدەردىڭ ستراتەگيالىق ارىپتەستىگى تەتىگىنىڭ بەرىك نەگىزى بولدى. جانە بۇگىن قازاقستان مەن رەسەي اراسىنداعى قاتىناستار سەنىممەن جانە قارقىندى دامۋدا, ال ءوزارا ىقپالداستىق بارلىق باعىتتاردا تەرەڭدەۋدە», دەپ ايرىقشا اتاپ كورسەتتى ق.ءابدىراحمانوۆ.
ءوز كەزەگىندە, رەسەيدىڭ سىرتقى ىستەر ءمينيسترى سەرگەي لاۆروۆ دەكلاراتسيانىڭ نەگىز بولاتىن يدەيالارىن ىسكە اسىرۋ قازاقستاندىق-رەسەيلىك قاتىناستاردىڭ ۇدەمەلى دامۋىن, ولاردىڭ وداقتاستىق پەن ستراتەگيالىق ارىپتەستىكتىڭ جاڭا ساپالى دەڭگەيىنە شىعۋىن قامتاماسىز ەتكەنىن اتاپ ءوتتى.
رەسەي ءسىم-ءىنىڭ باسشىسى ءوزىنىڭ قۇتتىقتاۋ جولداۋىندا: «قازىرگى كۇردەلى حالىقارالىق جاعدايدا مۇنداي امال بىزگە ءبىر-ءبىرىمىزدىڭ مۇددەلەرىمىزدى ەسكەرەتىن شەشىمدەر تابۋعا مۇمكىندىك بەرەدى», دەپ جازدى.
1998 جىلعى 6 شىلدەدە ەكى مەملەكەت باسشىلارى نۇرسۇلتان نازارباەۆ جانە بوريس ەلتسين قازاقستان مەن رەسەيدىڭ ماڭگىلىك دوستىق دانەكەرىن «ۇلتتىق قاۋىپسىزدىكتىڭ, ساياسي تۇراقتىلىقتىڭ, ۇلتارالىق كەلىسىم مەن ەكى ەلدىڭ وركەندەۋىنىڭ كەپىلدىگى» رەتىندە ساقتايتىنىن سالتاناتتى تۇردە مالىمدەدى.
2018 جىلعى 6 شىلدەدە بەلگىلى رەسەيلىك باسىلىم «روسسيسكايا گازەتادا» سىرتقى ىستەر ءمينيسترى قايرات ءابدىراحمانوۆتىڭ دەكلاراتسياعا قول قويىلعاندىعىنىڭ 20 جىلدىعىنا ارنالعان ماقالاسى شىقتى. اتاپ ايتقاندا مينيستر جاڭا مىڭجىلدىقتا ەكى ەلدىڭ كوپقىرلى جانە تابىستى قاتىناستارى دامۋىنىڭ ساپالى جاڭا ۇستانىمدارى مەن پارامەترلەرىن قالىپتاستىرعان دەكلاراتسيانىڭ قۇندىلىعى تۋرالى ايتىپ ءوتتى. بۇدان وزگە, ق.ءابدىراحمانوۆ شىن مانىندە تمد كەڭىستىگىندەگى ستراتەگيالىق ارىپتەستىك پەن وداقتاستىق قاتىناستاردىڭ ۇلگىلى مودەلى دەپ اتاۋعا بولاتىن قازاقستان مەن رەسەيدىڭ بۇگىنگى دوستىق قاتىناستارى تۋرالى پىكىرىمەن ءبولىستى.
«ەگەمەن-اقپارات»
