كەڭەس بارىسىندا ءبىرىنشى جارتى جىلدىقتاعى ءوسىمنىڭ نەگىزگى كورسەتكىشتەرى جانە ينۆەستيتسيالار تارتۋ, قورعانىس جانە اەروعارىش ونەركاسىبى, سالىق ساياساتى, بازالىق يندۋستريا سەكىلدى باعىتتار بويىنشا ودان ءارى دامىتۋ قورلارى تالقىلاندى. سونداي-اق, اقمولا وبلىسى مەن الماتى قالاسى اكىمدىكتەرىنىڭ جوبالىق باسقارۋ ماسەلەلەرى قارالدى.
اتاپ ايتقاندا, قورعانىس جانە اەروعارىش ونەركاسىبى ءمينيسترى ب.اتامقۇلوۆتىڭ جەتەكشىلىك ەتىپ وتىرعان سالاسىنىڭ ماسەلەلەرى, ينۆەستيتسيالار جانە دامۋ ءمينيسترى ج.قاسىمبەكتىڭ ينۆەستيتسيالار تارتۋ جانە بازالىق يندۋستريالاندىرۋدى دامىتۋ, سونىمەن قاتار قارجى ءمينيسترى ب.سۇلتانوۆتىڭ سالىقتاردى جيناۋدى ارتتىرۋ بويىنشا اعىمداعى جىلدىڭ التى ايىنداعى ماقساتتى ينديكاتورلارعا قول جەتكىزۋ بويىنشا ەسەپتەرى مەن ەكىنشى جارتى جىلدىققا جوسپارلارى تىڭدالدى.
اقمولا وبلىسىنىڭ اكىمى م.مىرزالين مەن الماتى قالاسىنىڭ اكىمى ب.بايبەك كولىك جانە لوگيستيكا, اوك, تۋريزم, ساۋدا, ءبىلىم, دەنساۋلىق سالالارى, جاپپاي كاسىپكەرلىك, يندۋستريالاندىرۋدى جۇرگىزۋ, تسيفرلاندىرۋ, ينۆەستيتسيالار تارتۋ جانە ناتيجەلى جۇمىسپەن قامتۋدى قامتاماسىز ەتۋ بويىنشا قابىلدانعان شارالار مەن 2018 جىلعا جوسپارلارى تۋرالى باياندادى.
