سودان سوڭ كوپ كەشىكپەي ونىڭ ءبارى قوقىس سالاتىن كونتەينەرلەرگە لاقتىرىلادى. ەكولوگ ماماندار مەن ساراپشىلار كوپ جاعدايلاردا قولدانىلاتىن مۇنداي پوليەتيلەن قالتاشالاردىڭ ءشىرىپ, توپىراققا ءسىڭۋ ۇدەرىسى تىم ۇزاق ۋاقىتقا سوزىلاتىنىن مالىمدەپ وتىر. بۇل ءوز كەزەگىندە تابيعات پەن قورشاعان ورتاعا زياندى اسەرىن تيگىزەتىنى ايتپاسا دا تۇسىنىكتى. سوندىقتان دا اقتوبە ايماعىندا وسىنداي زياندى قالدىقتاردى بولدىرماۋ ءۇشىن تابيعاتقا كەرى ەكولوگيالىق اسەرىن تيگىزبەيتىن پوليەتيلەن قالتاشالار شىعارىلا باستادى. ونىڭ قۇرامىنا ارنايى زاتتار قوسىلعان. سونىڭ ارقاسىندا ولار ءارى كەتكەندە 1 جىلدىڭ ىشىندە تولىقتاي ىدىراپ كەتەدى ەكەن. وركەندى ءوندىرىستى قولعا العان «پوليۆەست» جشس جىلىنا 1200 توننا زيانسىز ءونىم شىعارۋدى كوزدەپ وتىر. اتاپ ايتقاندا بۇلار نەگىزىنەن پوليەتيلەن قالتاشالار بولىپ تابىلادى.
جوعارىدا ايتىلعانداي ەكولوگيالىق تۇرعىدان ءتيىمدى ءونىم شىعارىلاتىن تسەحقا وتكەن جىلى «اقتوبە» يندۋستريالىق ايماعىنان ينجەنەرلىك ينفراقۇرىلىممەن جابدىقتالعان جەر ءبولىنىپتى. بۇعان دەيىن «پوليۆەست» جشس وزدەرىنە قاجەتتى عيماراتتى جالعا الىپ كەلىپتى. ولارعا يندۋستريالىق ايماقتان بولىنگەن جەردىڭ كولەمى 1 گەكتار قۇرايدى. وسى جەردە جالپى اۋدانى 3000 شارشى مەتر تۇراتىن عيمارات تۇرعىزىلعان. قازىرگى كۇنى كاسىپورىندا 60 ادام ەڭبەك ەتىپ ءجۇر. وندىرىستىك قۇرىلىم قازىرگى كۇنگە وتە قاجەتتى جوبانى ىسكە اسىرۋ ءۇشىن 500 ميلليون تەڭگە قاراجات جۇمساعان. بۇل جونىندە گازەت تىلشىسىنە «پوليۆەست» جشس-نىڭ ديرەكتورى باۋىرجان ءجۇسىپوۆ ايتىپ بەردى.
پوليەتيلەن قالتاشالاردان تۇراتىن كاسىپورىن ونىمدەرى قازىرگى كۇنى ۇلكەن سۇرانىسقا يە بولا باستاعانى دا اتاپ ايتۋعا تۇرارلىق ماسەلە. ءوتىمدى ونىمدەرگە ءبىرىنشى كەزەكتەر استانا, الماتى, اقتوبە, قاراعاندى جانە ورال قالالارىنان سۇرانىستار ءتۇسىپتى.
تەمىر قۇسايىن,
«ەگەمەن قازاقستان»
اقتوبە
