ەلباسى نۇرسۇلتان نازارباەۆ «چەرنوبىل اپاتى بۇكىل الەمدى اتومدى بەيبىت ماقساتتا پايدالانۋداعى قاۋىپسىزدىك ماسەلەسىمەن شىنداپ اينالىسۋعا ءماجبۇر ەتكەن ارەكەتتىڭ باستاۋىنا اينالدى جانە بۇل سىناقتاردىڭ سالدارلارى ءالى دە ۇزاق ۋاقىت سەزىلەدى» دەگەن بولاتىن. ادامزاتقا قاۋىپ توندىرگەن اپات مىڭداعان جانىڭ جۇرەگىن ءالى دە سىزداتىپ كەلەدى. سەمەي يادرولىق سىناق پوليگونى الەمدەگى ەڭ ۇلكەن پوليگون. جارتى عاسىرعا جۋىق ۋاقىت بويى وندا 456 يادرولىق جارىلىس جاسالدى, ونىڭ ارەكەت ەتۋ جيىنتىعى 116 چەرنوبىلگە تەڭ سانالادى.
شارا بارىسىندا قاسيەتتى ماڭعىستاۋ جەرىندە بوي كوتەرگەن ەستەلىك ستەلاعا چەرنوبىل توپىراعى سالىندى. جينالعاندار رادياتسيالىق اپات قۇرباندارىن 1 مينۋت ۇنسىزدىكپەن ەسكە الىپ, ەسكەرتكىشكە گۇل شوقتارىن قويدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
