«استانانىڭ 20 جىلدىق تويى قازاقستاننىڭ دامۋ جولىندا ەكەنىن كورسەتەدى. وسى مەرەكە قۇرمەتىنە وبلىستا تاعى ءبىر زاماناۋي كاسىپورىن قاتارعا قوسىلدى. تاۋلىگىنە 700 توننا ۇن شىعاراتىن «بەست-كوستاناي» ديىرمەن كەشەنى ەلىمىزدە جىلدام ەنگىزىلىپ وتىرعان «تسيفرلى قازاقستان» باعدارلاماسىنىڭ بارلىق تالاپتارىنا جاۋاپ بەرەدى. كەشەنگە جۇمسالعان بارلىق قارجىنىڭ 2 ميلليارد 800 ميلليون تەڭگەسىن تىكەلەي شەتەل ينۆەستورى سالدى. بۇل ديىرمەن كەشەنى ءبىزدىڭ ەلدىڭ ينۆەستورلىق جاعدايىنىڭ قولايلى ەكەنىن دە كورسەتتى. تۇرىك اعايىندار قارجىسىن ەشقانداي قاۋىپسىز سەنىممەن ەكونوميكاعا سالدى», دەدى ءوڭىر باسشىسى ارحيمەد مۇحامبەتوۆ.
ديىرمەن كەشەنىنىڭ ەرەكشەلىگى, ونى جەر ءجۇزىنىڭ كەز كەلگەن نۇكتەسىندە وتىرىپ باسقارۋعا بولادى. بارلىق جۇمىس اۆتوماتتاندىرىلعان, كومپيۋتەرلەندىرىلگەن. بۇل جونىندە وسى ديىرمەن كەشەنىنىڭ ابسقارما توراعاسى نيحات جان دا ايتىپ ءوتتى.
«مەن امەريكادا وتىرىپ تا «بەست-كوستاناي» ديىرمەن كەشەنىندە بۇگىن تاۋلىگىنە قانشا توننا ۇن وندىرىلگەنىن ءبىلىپ وتىرامىن. وركەنيەت دەگەن وسى. وسىدان بىرنەشە جىل بۇرىن شۆەيتساريادا وتكەن كورمەدە ءبىز «دۇنيەدەگى ەڭ ساپالى ۇن» اتالىمىمەن مەدال العان ەدىك. ەڭ جاقسى ۇن قازاقستاندا, ونىڭ ىشىندە قوستانايدا. وندىرىلگەن ءونىمنىڭ 95 پايىزى ەكسپورتتالادى», دەيدى ينۆەستور نيحات جان مىرزا.
كاسىپورىن ديرەكتورى ۆيدادي يۋسۋبوۆتىڭ ايتۋىنشا, «بەست-كوستاناي» كومپانياسى قوستانايدا 2009 جىلى العاشقى ديىرمەنىن اشقاندا ول تاۋلىگىنە 250 توننا ۇن تارتاتىن. ال بۇگىنگى ديىرمەن كەشەنىنىڭ قۋاتى ودان ءۇش ەسەدەي ارتىق. ديىرمەن كەشەنىندە قازىر 70 ادامعا جۇمىس بەرىلگەن. الداعى ۋاقىتتا مۇنان دا كوبەيەتىن بولادى.
ءنازيرا جارىمبەت
«ەگەمەن قازاقستان»
قوستاناي
سۋرەتتەر top-news.kz سايتىنان الىندى
