سۋرەتتى تۇسىرگەن ۆالەري بۋگاەۆ
قالاداعى قۇرىلىسشىلار كوشەسى, 42 مەكەن-جايى بويىنشا ورنالاسقان 5 قاباتتى ۇيدە 70 پاتەر بار. پاتەر كىلتتەرى كاسىپورىننىڭ جاس ماماندارى مەن جوعارى بىلىكتى جۇمىسشىلارعا بەرىلدى. ەنەرگەتيكتەردى پاتەر الۋلارىمەن وبلىس اكىمى بولات باقاۋوۆ قۇتتىقتادى.
جاڭا ۇيدەگى پاتەردىڭ ءبىر شارشى مەترى ەەك جۇمىسشىلارى ءۇشىن 115 مىڭ تەڭگە. ەۋرازيالىق توپتىڭ «تۇرعىن ءۇي باعدارلاماسى» مەن «قازاقستان يپوتەكالىق كومپانياسىمەن» بىرگە پاتەرلەر 20 جىل مەرزىمگە تومەن پايىزدىق مولشەرلەمەمەن ساتىپ الۋ قۇقىعىمەن جالعا بەرىلەدى.
ء–بىزدىڭ كاسىپورىن ەلباسىنىڭ «نۇرلى جول» ستراتەگيالىق باعدارلاماسىنىڭ شەڭبەرىندەگى «وڭىرلەردى دامىتۋدىڭ 2020 جىلعا دەيىنگى باعدارلاماسى» مەملەكەتتىك جوباسىن بەلسەندى قولداپ كەلەدى. بۇل ءۇيى بار ادام ەرتەڭگى كۇنگە, ءوز بالالارىنىڭ باقىتتى بولاشاعىنا دەگەن سەنىمدى دەگەن ءسوز. ءبىزدىڭ جاستاردى وندىرىستە ەڭبەك ەتۋگە ىنتالاندىرادى جانە ەڭبەك ونىمدىلىگىن ارتتىرادى,–دەيدى «ەەك» اق ادام رەسۋرستارىن باسقارۋ جانە الەۋمەتتىك ماسەلەلەر جونىندەگى ۆيتسە-پرەزيدەنتى تاتيانا نوساچەۆا.
اقسۋداعى «ەۋروازياتتىق ەنەرگەتيكالىق كورپوراتسياسى» اق (ەەك) ەۋرازيالىق توپ (ERG) قۇرامىنداعى – ەلىمىزدەگى ەلەكتر قۋاتىنىڭ 17 پايىزىن, كومىردىڭ 20 پايىزىنن وندىرەدى. كورپوراتسيا اقسۋ ەلەكتر ستانساسى, ەكىباستۇزداعى «شىعىس» كومىر كەنىشى مەن ەنەرگەتيكالىق جانە كەن جابدىعىن جوندەۋمەن اينالىساتىن وندىرىستىك جوندەۋ بولىمشەسىن بىرىكتىرەدى. كاسىپورىن 2001 جىلدان بەرى ەلەكتر ستانساسىنداعى ەنەرگوبلوكتاردى جاڭعىرتۋ جۇمىستارىن جۇرگىزۋدە.
فاريدا بىقاي,
«ەگەمەن قازاقستان»
پاۆلودار
