ەلباسى جارلىعىمەن جاريالانعان "ۇلتتىق دومبىرا" كۇنى قارساڭىندا جارما اۋدانىنىڭ ورتالىعى قالباتاۋ اۋىلىندا دومبىراعا ەسكەرتكىش قويىلدى.
ەسكەرتكىشتىڭ بيىكتىگى - 7, ەنى - 2 مەتر. تۋىندىنىڭ اۆتورى - جاس ءمۇسىنشى نۇربول قاليەۆ.
"بۇل مەرەكە - ونەر سالاسىنداعى ادامدار ءۇشىن عانا ەمەس, بارشا حالىققا ورتاق مەرەكە دەپ ەسەپتەيمىن. ويتكەنى, "ەكى ىشەكتىڭ ءبىرىن قاتتى, ءبىرىن ءسال-ءپال كەم بۇرا, ناعىز قازاق قازاق ەمەس, ناعىز قازاق دومبىرا" دەپ قادىر مىرزاليەۆ جىرلاعانداي, دومبىرا - ۇلتىمىزدىڭ ءبىتىم-بولمىسىن, ءتول مادەنيەتىن, رۋحاني الەمىن ايقىندايتىن اسىل مۇرا" دەدى اۋدان اكىمى نۇرلان سىدىقوۆ ەسكەركىشتىڭ اشىلۋ سالتاناتىندا.
ازامات قاسىم,
"ەگەمەن قازاقستان"
شىعىس قازاقستان وبلىسى,
جارما اۋدانى,
قالباتاۋ اۋىلى
