قۇجات قازاقستان پرەزيدەنتى ن. نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىن ورىنداۋ ماقساتىندا ازىرلەندى.
ەلىمىزدە بۇگىنگى تاڭدا جەكە ۆەنچۋرلىك كاپيتال نارىعىنىڭ جۇيەلى تۇردە رەتتەلمەگەن ءارى ول قازاقستاندا يننوۆاتسيالاردى ازىرلەۋ جونىندەگى كاسىپكەرلىكتى ۆەنچۋرلىك (جوعارى تاۋەكەلدى) قارجىلاندىرۋ, ونىڭ ىشىندە شەتەلدەردەن ترانسفەرتتەۋ ارقىلى تۋىنداۋى مەن دامۋى ءۇشىن قاجەت بولىپ وتىر. وتاندىق زاڭناما كوپتەگەن پارامەترلەر بويىنشا ۆەنچۋرلىك كاپيتال نارىقتارىن رەتتەۋدىڭ بۇكىل الەمدىك قۇقىقتىق ۇردىستەرىنە ساي كەلمەيدى, سونداي-اق جەكە ۆەنچۋرلىك قارجىلاندىرۋدى دامىتۋدىڭ وڭتايلى زاڭنامالىق تەتىكتەرى قامتىلمايدى.
قولدانىستاعى زاڭناماسىندا ەلدەگى ۆەنچۋرلىك كاپيتال نارىعىنىڭ دامۋىنا نەگىز بولاتىن:
- يكەمدى ازاماتتىق زاڭناما;
- مەملەكەتتىك قولداۋ تەتىكتەرىنىڭ, ونىڭ ىشىندە ۆەنچۋرلىك جوبالاردى تىكەلەي جانە (نەمەسە) مەملەكەتتىك دامۋ ينستيتۋتتارى ارقىلى مۇمكىن بولاتىن مەملەكەتتىك قوسا قارجىلاندىرۋدىڭ بولۋى;
- ۆەنچۋرلىك قىزمەتتىڭ ەرەكشەلىگىن ەسكەرە وتىرىپ, ۆەنچۋرلىك قارجىلاندىرۋ ءۇشىن مەملەكەتتىك ىنتالاندىرۋ شارالارىنىڭ تيىمدىلىگىن باعالاۋ;
- ۆەنچۋرلىك قورلاردى قۇرۋ مەن قالىپتاستىرۋدىڭ ەركىن ۇيىمداستىرۋشىلىق-قۇقىقتىق نىسانى سياقتى بىرقاتار نەگىزگى فاكتورلار جانە باسقا دا فاكتورلار جوق.
قازىرگى كەزەڭدە قازاقستاندىق يۋريسديكتسياداعى ۆەنچۋرلىك كاسىپكەرلىكتى جۇرگىزۋ الەۋەتتى ينۆەستورلار ءۇشىن تارتىمسىز بولىپ تابىلادى. زاڭ جوباسىن قابىلداۋ ۆەنچۋرلىك قارجىلاندىرۋ سالاسىندا زاڭنامالىق بازانى قالىپتاستىرۋعا جانە جەتىلدىرۋگە اكەپ سوعادى, ول جەكە ۆەنچۋرلىك قارجىلاندىرۋ نارىعىنا قاتىسۋشىلاردىڭ ينۆەستيتسيالىق بەلسەندىلىگىنىڭ ارتۋى مەن قازاقستاندا يننوۆاتسيالىق جانە كاسىپكەرلىك بەلسەندىلىكتىڭ وسۋىنە الىپ كەلەدى.
زاڭ جوباسى پالاتانىڭ قاراۋىنا جىبەرىلدى.
