جاس دومبىراشىلار جارىسى اۋدان ورتالىعىنداعى شاكەن ايمانوۆ اتىنداعى مەكتەپ-ينتەرناتتا ءوتتى. بايقاۋدىڭ الدىندا جاياۋ مۇسا اتىنداعى باياناۋىل بالالار ونەر مەكتەبىنىڭ زينۇر عالىموۆ ديريجەرلىك ەتەتىن وركەسترى ك.الدەكەنوۆتىڭ «جاڭا عاسىر», نۇرعيسا تىلەنديەۆتىڭ «مۇراگەر», قۇرمانعازىنىڭ «اداي» كۇيلەرىن ورىنداپ بەردى. سونداي-اق داريا ۇكىباي جاياۋ مۇسانىڭ «باياناۋىل» ءانىن شىرقادى.
كۇيشىلەر ءۇش توپتا ونەر كورسەتتى. ءار قاتىسۋشى ءۇش كۇيدەن ورىندادى. ءبىرىنشى كۇنى «كىشى توپ» پەن «جوعارى توپتىڭ» ءبىرىنشى كەزەڭىنىڭ قاتىسۋشىلارى تولىق تىڭدالدى جانە «ورتا توپ» ۇمىتكەرلەرىنىڭ جارتىسى ونەرلەرىن ورتاعا سالدى. ءبىرىنشى سايىس كۇنىنىڭ قورىتىندىسى بويىنشا «كىشى توپ» ۇزدىكتەرى مەن «جوعارى توپ» فيناليستەرى انىقتالدى. ءبىرىنشى كۇنى قاتىسۋشىلار دينا, قۇرمانعازى, ءابدي, اقبيكەش, اققىز, قىزداربەك, قازانعاپ, بايجىگىت, وسكەنباي, سەيتەك, تاتتىمبەت, الشەكەي, داۋلەتكەرەي سەكىلدى كومپوزيتورلار تۋىندىلارى مەن حالىق كۇيلەرىن, قارشىعا احمەدياروۆ, ماعاۋيا حامزين, مۇرات وسكەنباەۆ, سەكەن تۇرىسبەكوۆتەردىڭ شىعارمالارىن ورىندادى.
ءسويتىپ «باس جۇلدە» يەگەرى انىقتالدى. ول – جاياۋ مۇسا اتىنداعى باياناۋىل بالالار ونەر مەكتەبىنىڭ وقۋشىسى داناگۇل باركەن.
بىلتىر اقتاۋدا وتكەن «كاسپي جۇلدىزى» اتتى رەسپۋبليكالىق بايقاۋدا «اقجارما» كۇيىن ورىنداعان داناگۇل ءبىرىنشى ورىندى يەلەنگەن ەدى. بۇدان كەيىن, قازىلار القاسىنىڭ توراعاسى, ونەر زەرتتەۋشىسى مۇرات ابۋعازى «كىشى توپتا» ۇزدىك اتانعان جامبىل وبلىسى, جامبىل اۋدانى مۇقان تولەباەۆ اتىنداعى بالالار مۋزىكا مەكتەبىنىڭ وقۋشىسى باقداۋلەت جاناتبەككە, «ورتا توپتا» وزا شاپقان استاناداعى №1 بالالار مۋزىكا مەكتەبىنىڭ وقۋشىسى امالبەك وماربەكوۆكە, «جوعارى توپتا» جارقىلداعان اقمولا وبلىسى, ەسىل اۋدانى بالالار مۋزىكا مەكتەبىنىڭ وقۋشىسى دياس ورىنباسارعا ءبىرىنشى ورىن جۇلدەسىن تاپسىردى.
جۇلدەگەرلەر ونەر زەرتتەۋشىسى مۇرات ابۋعازى سياقتى «قۇرمانعازى, تاتتىمبەت جانە ارقا كۇيلەرى», ء«اشىم جانە ىلە ايماعىنىڭ كۇيلەرى», «سارىارقا اندەرى», «شىعىستىڭ شىڭىراۋ كۇيلەرى» وقۋ-ادىستەمەلىك كىتاپتارىن جازعان كۇيشى اعالارىنىڭ قولىنان ماراپات الىپ, تاعى دا ءبىر قۋاندى.
ال II ورىندى يەلەنگەن جاياۋ مۇسا اتىنداعى باياناۋىل بالالار ونەر مەكتەبىنىڭ وقۋشىسى ايبار ءپازىل مەن شىعىس قازاقستان وبلىسى, قاراۋىل اۋدانى جانىبەك كارمەنوۆ اتىنداعى ساز مەكتەبىنىڭ وقۋشىسى جىگەر ارقاشتى («كىشى توپتا»), تاعى ءبىر قاراۋىلدىق تالانت تولەۋتاي دۇيسەنوۆ پەن الماتى قالاسى ءبىلىم باسقارماسى ونەر مەكتەبىنىڭ وقۋشىسى اقنۇر تۇكتىباەۆانى («ورتا توپتا»), استانا قالاسىنىڭ № 1 بالالار مۋزىكا مەكتەبى وقۋشىسى دينا كودەباي مەن ەكىباستۇز قالاسى م.گلينكا اتىنداعى بالالار مۋزىكا مەكتەبىنىڭ وقۋشىسى ارمان سەرىكوۆتى («جوعارى توپتا») كۇيشى, حالىقارالىق, رەسپۋبليكالىق كۇيشىلەر بايقاۋىنىڭ لاۋرەاتى رۇستەم نۇركەنوۆ ماراپاتتادى.
سونىمەن بىرگە جاياۋ مۇسا اتىنداعى باياناۋىل بالالار ونەر مەكتەبىنىڭ وقۋشىسى اللاجار جاڭبىرباي, الماتى قالالىق ءبىلىم باسقارماسى ونەر مەكتەبىنىڭ وقۋشىسى مانسۇر نۇرعوجاەۆ «كىشى توپتا», سەمەي قالاسى №1 بالالار مۋزىكا مەكتەبىنىڭ شاكىرتى نۇرجان نۇرلان, جامبىل وبلىسى, جامبىل اۋدانى مۇقان تولەباەۆ اتىنداعى بالالار مۋزىكا مەكتەبىنىڭ وكىلى نۇرزات راحمانبەردى «ورتا توپتا», جامبىل وبلىسى, جامبىل اۋدانى مۇقان تولەباەۆ اتىنداعى بالالار مۋزىكا مەكتەبىنىڭ وقۋشىسى الىمقۇل سۇلتان, مايقايىڭ بالالار ونەر مەكتەبىنىڭ وقۋشىسى نۇرجان عابدۇلقاليەۆ «جوعارى توپتا» ءۇشىنشى ورىن الىپ, جۇلدەگەرلەر اتاندى. لاۋرەاتتاردى حالىقارالىق, رەسپۋبليكالىق كۇيشىلەر بايقاۋىنىڭ باس جۇلدە يەگەرى ايتولقىن توقتاعان ماراپاتتادى.
ماراپاتتاۋ ءراسىمى گالا-كونتسەرتكە ۇلاسىپ, بايقاۋ قاتىسۋشىلارى اتىنان باتىس قازاقستان وبلىسى جاڭاقالا اۋداندىق قالي جانتىلەۋوۆ اتىنداعى بالالار ساز مەكتەبىنىڭ كۇيشىلەرى حالىق كۇيى «ورتەكەنى» باياناۋىلدىقتارعا تارتۋ ەتتى. قازىلار القاسىنىڭ توراعاسى مۇرات ابۋعازى ورىنداعان كۇيلەر دە كۇمبىرلەپ كوپشىلىكتىڭ ەسىندە قالدى.
– ەكى كۇن بويى باياناۋىلدى كۇيگە بولەگەن بايقاۋ كەشە مەن بۇگىننىڭ ماڭگىلىك ۇندەسكەن رۋحاني جاڭعىرۋى ىسپەتتى. كۇي قۇدىرەت دەگەن وسى! – دەيدى ارىپتەسىمىز ەلامان قابدىلاشىم. ويتكەنى بۇل قۇدىرەتتى ەرتەڭگە جالعاستىراتىن وسى جاستار!
جاس كۇيشىلەر اسەم باياناۋىلدان «كەلەسى, كەزدەسكەنشە!» دەپ اتتاندى.
فاريدا بىقاي,
«ەگەمەن قازاقستان»
پاۆلودار وبلىسى,
باياناۋىل اۋدانى
