عاسىرلار بويى جاساپ كەلە جاتقان بابالار مۇراسىن ناسيحاتتاۋ, جاۋھارلاردى حالىققا جەتكىزۋ ماقساتىندا ەلىمىزدىڭ ءاربىر وڭىرىندەگى ونەرپازدار دا ايانىپ قالعان جوق. اتالعان جوبا بيىل دا جالعاسىن تاۋىپ, جامبىل وڭىرىندە جاسىنداي جارقىلداعان ونەرپازدار ونەر كورسەتتى. اۋەلى اتالعان جوبا نەگىزىندە ءوڭىردىڭ ءاربىر اۋداندارىندا ىرىكتەۋ كەزەڭى وتكەن بولاتىن. ناتيجەسىندە, سىننان سۇرىنبەي, ونەردىڭ بارلىق تالاپتارىنا جاۋاپ بەرە العان 40-قا جۋىق ونەرپاز تاراز قالالىق مادەنيەت ۇيىندە وبلىستىق ىرىكتەۋگە قاتىستى. ونەرپازدار تەرمە, ءداستۇرلى ءان جانە كۇي اتالىمدارى بويىنشا باس جۇلدەنى ساراپقا سالدى.
مادەني شارانى «قازاقستان» ۇلتتىق تەلەراديوكورپوراتسياسى «Jambyl» فيليالىنىڭ ديرەكتورى جاسۇلان ابدىحالىق ءسوز سويلەپ اشىپ, ۇمىتكەرلەرگە ساتتىلىك تىلەدى. ال بەلگىلى ديريجەر ەرلان باقتىگەرەي, ءانشى ايگۇل ماقاشەۆا, تەرمەشى ەرتاي تازابەكوۆ جانە كۇيشى ەرجان رىسمەتوۆ ۇمىتكەرلەردىڭ ونەرىنە قازىلىق جاساپ, شىن جۇيرىكتى انىقتادى. العاشقى «كۇي» اتالىمىندا تارازدىق دۋلات بايزىلداەۆ جەڭىمپاز دەپ تانىلسا, ء«داستۇرلى ءان» اتالىمىندا سارىسۋ اۋدانىنان قاتىسقان احات كەنجەباەۆ ەڭ ۇزدىك دەپ تانىلدى. سونىمەن قاتار تەرمەشىلەر اراسىندا جۋالى اۋدانىنان مالىك مىقتىبەكوۆ جەڭىمپاز اتاندى. ەندى اتالعان ءۇش جۇلدەگەر «Men qazaqpyn» ۇلتتىق مەگاجوباسىندا اۋليەاتا ءوڭىرىنىڭ نامىسىن قورعاپ, ونەرلەرىن كورسەتەتىن بولادى.
ۇلتتىق مەگاجوبانىڭ وبلىستىق ىرىكتەۋ كەزەڭىنە وراي وڭىرلىك كوممۋنيكاتسيالار قىزمەتىندە ءباسپاسوز ءماسليحاتى ءوتتى. وسى ورايدا «Jambyl» تەلەارناسىنىڭ ديرەكتورى جاسۇلان ابدىحالىق شارانىڭ ءساتتى جۇزەگە اسۋىنا قولداۋ بىلدىرگەن جامبىل وبلىسىنىڭ اكىمى اسقار مىرزاحمەتوۆكە, «قازاقستان» ۇلتتىق تەلەارناسىنىڭ باسقارما توراعاسى ەرلان قارينگە جانە ءتيىستى مەكەمە باسشىلارىنا العىسىن ءبىلدىردى. سونىمەن قاتار ول وبلىستىق «Jambyl» تەلەارناسىنان ءبىر ساعاتتىق «Men qazaqpyn» باعدارلاماسى اشىلاتىنىن, اتالعان جوباعا اۋداندار مەن اۋىلداردان قاتىسقان بارلىق ۇمىتكەرلەردىڭ ونەرىن ناسيحاتتايتىنىن, ال ءۇش جەڭىمپازعا جەرگىلىكتى جەردەن تالىمگەرلەر تاعايىندالاتىنىن جەتكىزدى. ءوز سوزىندە ءانشى ايگۇل ماقاشەۆا الداعى ۋاقىتتا تاراز قالاسىنان مىندەتتى تۇردە كوپ سالالى مۋزىكالىق كوللەدج اشىلۋى كەرەك ەكەنىن ايتىپ ءوتتى.
ايتا كەتەيىك, جوبانىڭ اۋداندىق كەزەڭدەرىنە 146, ال وبلىستىق كەزەڭىنە 41 ۇمىتكەر قاتىسىپ, باق سىناعان.
حاميت ەسامان,
«ەگەمەن قازاقستان»
جامبىل وبلىسى
