پرەزيدەنتىمىز «العا تارتقان وزادى, كەيىن كەتكەن توزادى. ءبىز جىلدان جىلعا جاڭارىپ, جاڭعىرىپ كەلەمىز. ءبىز جيىرما جىلدان اسار ۋاقىتتا ءجۇز جىلعا بەرگىسىز جولدى ارتتا قالدىردىق» دەپ ايتقانداي, مەكتەپ تاريحىنا كەلەتىن بولساق, اشىلعانىنا ەكى جىل بولعانىنا قاراماستان, 2001-2002 وقۋ جىلىندا رەسپۋبليكا بويىنشا «تاڭداۋلى مەكتەپ-2001» اتالىمىن جەڭىپ الدى. ودان كەيىن ءۇش وقۋ جىلىندا قاتارىنان «ۇزدىك مەكتەپ-2007, 2008, 2009» اتانىپ, قالا اكىمىنىڭ گرانتىنا يە بولدى. مەكتەپ-ليتسەيدىڭ 50 پايىز ۇستازدارىنا قوسىمشا ۇستەماقى قوسىلدى. مەكتەبىمىز 2011-2012 وقۋ جىلىنىڭ قورىتىندىسى بويىنشا استانا قالاسى مەكتەپتەرىنىڭ اراسىنان «كوشباسشى مەكتەپ» اتاعىن يەلەندى. مەكتەپ-ليتسەيدىڭ جەتكەن بەلەستەرىنىڭ ىشىندەگى ەڭ ايتۋلىسى – 2013 جىلى ۇلىبريتانيا ەلىنىڭ استاناسىندا وتكەن حالىقارالىق ءۆىD ساپاسى بويىنشا «لوندون-2013» كونۆەنتسياسىندا التىن كاتەگوريا جۇلدەسىنىڭ التىن ءتاجىن يەلەندى. lQC جۇلدەسى №38 مەكتەپ-ليتسەيىنە كەمەلدىكتىڭ بۇلجىماس ساپاسىنىڭ بەرىكتىگى ءۇشىن بەرىلدى. سول كەزدەگى مەكتەپ-ليتسەيدىڭ ديرەكتورى جامال بازارقۇلقىزى قاسىمبەك International Quality Crown جۇلدەسىن لوندوندا ءۆىD پرەزيدەنتى حوسە پريەتو مىرزانىڭ ىزگى قۇرمەتىمەن الدى. وسىلايشا, №38 مەكتەپ-ليتسەيى استانا قالاسىنىڭ عانا ەمەس, بۇكىل رەسپۋبليكا كولەمىندەگى تىرەك مەكتەپتەردىڭ بىرىنە اينالدى.
پەداگوگيكالىق ۇجىم الىس, جاقىن شەتەلدەرمەن تاجىريبە الماسىپ وتىرادى. بۇگىندە بىرەگەي ءبىلىم ورداسى ماسكەۋ, سانكت-پەتەربۋرگ, مينسك قالالارىنىڭ ءبىلىم ۇيىمدارىمەن كاسىبي بايلانىستا. سونداي-اق جوعارى وقۋ ورىندارىمەن ساباقتاستىقتى نىعايتۋ ماقساتىندا الماتى قالاسىنداعى ءال-فارابي اتىنداعى قازاق ۇلتتىق ۋنيۆەرسيتەتىمەن, ت.رىسقۇلوۆ اتىنداعى ەكونوميكا ۋنيۆەرسيتەتىمەن كەلىسىمشارت جاسالسا, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن مەموراندۋم نەگىزىندە جۇيەلى جۇمىس جۇرگىزۋدە. سونىمەن قاتار مەكتەپ-ليتسەي تورىندە قازاقتىڭ بەلگىلى قوعام قايراتكەرلەرى, ونەر مايتالماندارى, اقىندار مۇحتار شاحانوۆ, اقسەلەۋ سەيدىمبەك, قانيپا بىتىباەۆا, سەيىت كەنجەاحمەتوۆ, فاريزا وڭعارسىنوۆا, ورازگۇل اسانعازىقىزى, سەرىك تۇرعىنبەك ۇلى جانە بۇگىنگى جاس بۋىننان قالقامان سارين سياقتى تانىمال شىعارماشىلىق يەلەرىمەن كەزدەسۋلەر ۇيىمداستىرىلعان بولاتىن. ۇلتتىق بىرىڭعاي تەستىلەۋ قورىتىندىسى بويىنشا جىل سايىن مەكتەپ تۇلەكتەرى جوعارى ۇپايلاردى يەلەنىپ كەلەدى. سونىڭ ىشىندە 2004-2005 وقۋ جىلىندا ومىرزاق ماناس 125 بالل جيناعان بولاتىن.
2015-2016 وقۋ جىلىنىڭ قورىتىندىسى بويىنشا №38 مەكتەپ-ليتسەيى استانا قالاسى بويىنشا ۇزدىك دەپ تانىلعان 3 مەكتەپتىڭ ءبىرى بولدى. سونىمەن قاتار قالالىق, رەسپۋبليكالىق ءپان وليمپيادالارى مەن عىلىمي جوبا جارىستارىندا, ءارتۇرلى بايقاۋلار مەن سايىستاردا الدىڭعى قاتاردان كورىنىپ, بيىك بەلەستەردى باعىندىرىپ كەلەدى.
قازىرگى تاڭدا مەكتەبىمىزدە 105 مۇعالىم, ونىڭ ىشىندە جوعارى ساناتتى – 38, ءى ساناتتى – 25, ءىى ساناتتى – 19, بەي ساناتتى 23 مۇعالىم قىزمەت اتقارىپ كەلەدى. مۇعالىمدەرىمىزدىڭ 80 پايىزى جاڭارتىلعان مازمۇن بويىنشا ءبىلىم الىپ, وقۋشىلارعا جاڭا ءادىس-تاسىلدەر جۇيەسىمەن ساباق بەرۋدە. مەكتەبىمىزدە «كرەاتيۆ» توبى №24, 32, 52 مەكتەپتەرمەن جەلى قوعامداستىق اراسىندا جىل بويى بايلانىس جاساپ, ءتۇرلى سەمينار, ترەنينگ, ماستەر كلاسس, دەسانتتىق ساباقتار وتكىزۋدە. مۇعالىمنىڭ كاسىبي قۇزىرەتتىلىگى جان-جاقتى بىلىمىمەن, ۇستازدىق شەبەرلىگىمەن, وقىتۋدىڭ جاڭا تاسىلدەرىن مەڭگەرۋىمەن ولشەنەدى. ءبىلىم بەرۋ ۇردىسىندە ءبىلىم ساپاسى باستى كورسەتكىش دەسەك, سول ءبىلىم ساپاسىن ارتتىرۋ ماقساتىندا قولدانىلاتىن ءتۇرلى ءادىس-تاسىلدەردى مۇعالىمدەر قولدانۋدا. «Lesson Study» زەرتتەۋ ساباقتارىندا جۇيەلى ورىنعا قويىپ, وقۋشىلاردى سىندارلى ويلاتۋ, وزدىگىنەن ىزدەنۋ مەن اقپاراتتى تەرەڭىنەن تالداي ءبىلۋ ماشىعىن يگەرتىپ وتىر. 2016-2018 وقۋ جىلدارى اراسىندا شاكىرتتەرىمىز ءبىلىم, ونەر, سپورت سالالارىندا دا جەڭىس تۇعىرىنا كوتەرىلىپ, مەكتەپ ابىرويىن اسقاقتاتىپ كەلەدى. اتاپ ايتار بولساق, 300-گە جۋىق وقۋشى قالالىق عىلىمي جوبا جارىسىنىڭ جەڭىمپازى اتانسا, 180 وقۋشى رەسپۋبليكالىق عىلىمي جوبا سايىسىنىڭ جۇلدەگەرلەرى رەتىندە ماراپاتتالدى. حالىقارالىق كولەمدەگى سايىستاردا 100-دەن استام وقۋشى بيىك شىڭداردى باعىندىردى. بيىل 2-سىنىپ وقۋشىسى نيارا تەميرتاەۆانىڭ پاريج ساحناسىندا ۆوكال جانرى بويىنشا ءان ايتىپ, باس جۇلدەنى يەلەنىپ كەلگەنى ءبىز ءۇشىن ۇلكەن ماقتانىش.
ال مۇعالىمدەرىمىزدىڭ ىشىندە ى.التىنسارين مەدالىنىڭ يەگەرلەرى, ءبىلىم بەرۋ ءىسىنىڭ قۇرمەتتى قىزمەتكەرلەرى, ءبىلىم جانە عىلىم مينيسترلىگىنىڭ قۇرمەت گراموتاسىنىڭ يەگەرلەرى جانە بىرنەشە وقۋلىق اۆتورلارى ەڭبەك ەتۋدە.
ەلباسىمىز «يننوۆاتسيالىق تەحنولوگيالاردىڭ جەتىستىكتەرى – قازىرگى قوعامنىڭ سۇرانىسىنا ساي, باسەكەگە قابىلەتتى ۇرپاق تاربيەلەۋدە نەگىز بولۋ كەرەك» دەگەن سوزىنە وراي, مەكتەپ-ليتسەيدە جاڭا ءبىلىم مازمۇنى بويىنشا بىلىكتىلىكتى ارتتىرۋ جانە جاراتىلىستانۋ باعىتى بويىنشا اعىلشىن تىلىندە ساباق بەرۋ كۋرستارىنان وتكەن مۇعالىمدەر زامان اعىمىنا ساي ءبىلىم ساپاسىن ودان ءارى ارتتىرۋ جولىندا ەڭبەك ەتۋدە.
استانا قالاسىنىڭ 20 جىلدىعىنا №38 مەكتەپ-ليتسەيى دە يگىلىكتى ىستەرىمەن ءوز ۇلەسىن قوسىپ, ءبىلىم بەرۋ سالاسىندا ءوزىنىڭ سالماقتى ورنى بار ءبىلىم ورداسى رەتىندە تولاعاي تابىستارعا جەتە بەرۋگە دايىن.
كاميلا كارىمبەردىقىزى,
استانا قالاسىنداعى
№38 مەكتەپ-ليتسەيىنىڭ ديرەكتورى
