كامەلەتكە تولماعانداردىڭ قايتىس بولۋىنىڭ نەگىزگى سەبەپتەرى: سۋداعى قاۋىپسىزدىك ەرەجەلەرىن ساقتاۋ بويىنشا تۇسىندىرمە جۇمىستاردىڭ جەتكىلىكسىزدىگى, بالالاردى ەرەسەكتەردىڭ قاداعالاۋىنسىز قالدىرۋ, سۋارۋ اعىندارىن, كانالداردى, سۋ قويمالارىن قاۋىپسىزدىكپەن جەتكىلىكتى قامتاماسىز ەتپەۋ.
وسىنداي جاعدايلاردىڭ سالدارىنان وتكەن جىلى 29 بالا قايتىس بولدى. سونىڭ ىشىندە الماتى وبلىسىندا ءبىر مەزگىلدە ءبىر وتباسىنداعى ءۇش بالا سۋعا كەتتى. ولار ۇيىنەن 300 مەتر جەردە ورنالاسقان سۋارۋ ارىعىنا ويىن كەزىندە ابايسىزدا قۇلاپ كەتكەن.
وكىنىشكە قاراي بالالاردى قاراۋسىز قالدىرۋ فاكتىلەرى دە ءجيى بولادى. ءبىز جازعى دەمالىس ايلارىندا بالالارىمىزدىڭ قاۋىپسىزدىگىنە الاڭداۋشىلىق بىلدىرەمىز. بيىلعى ستاتيستيكاعا جۇگىنسەك, شومىلۋ ماۋسىمى باستالماي جاتىپ, 15 بالا سۋعا كەتكەن. ولاردىڭ 13-ءى ەرەسەكتەردىڭ قاداعالاۋىنسىز قالعان جاس بالالار.
ءبىز بۇل ماسەلەگە بيلىك تاراپىنان نازار اۋدارىلۋى كەرەك دەپ سانايمىز. سوندىقتان ۇكىمەت باسشىسى ب.ساعىنتاەۆتىڭ اتىنا دەپۋتاتتىق ساۋال جولداپ, وسىعان قاتىستى اقپارات بەرۋىن وتىندىك.
اتاپ ايتقاندا, سۋ وبەكتىلەرىندەگى كامەلەتكە تولماعانداردىڭ قاۋىپسىزدىگىن قامتاماسىز ەتۋ ءۇشىن قابىلداناتىن الدىن الۋ شارالارى تۋرالى, اۋداندىق جانە اۋىلدىق اكىمدىكتەردىڭ سۋداعى قايعىلى وقيعالاردىڭ الدىن الۋ بويىنشا ءتۇسىندىرۋ جۇمىستارىن جۇرگىزۋى تۋرالى (سۋعا باتقان ادامدار ءولىمىنىڭ كوپ بولىگى اۋىلدىق جەرلەردە تىركەلگەن), جەرگىلىكتى پوليتسيا قىزمەتىنىڭ جۇمىسى تۋرالى جانە سۋداعى قاۋىپسىزدىك ەرەجەلەرىنىڭ تالاپتارىن ساقتاماعانى, بۇزعانى جانە سۋدى پايدالانۋدىڭ جالپى ەرەجەلەرىن بۇزعانى ءۇشىن اكiمشiلiك قۇقىق بۇزۋشىلىق تۋرالى كودەكستىڭ باپتارىنا سايكەس جەكە تۇلعالاردىڭ جاۋاپكەرشىلىككە تارتىلۋى تۋرالى اقپارات بەرۋدى سۇرايمىز.
ساۋلە ايتپاەۆا,
سەنات دەپۋتاتى
