بريفينگ بارىسىندا ەلشى قازاق-پولياك قارىم-قاتىناستارىنىڭ اعىمداعى احۋالى, ونىڭ ىشىندە ساياسي, ەكونوميكالىق, مادەنيەتپەن عىلىم جانە ءبىلىم بەرۋ سالاسىنداعى ىنتىماقتاستىققا قاتىستى ءوز باعالارىمەن ءبولىستى. 2016-2017 جىلدارى پرەزيدەنت ن.نازارباەۆتىڭ پولشاعا جانە پرەزيدەنت ا.دۋدانىڭ قازاقستانعاجاساعان ءىس-ساپارلارىنىڭ ناتيجەلەرىمەن راستالعان جوعارى دەڭگەيدەگى سىندارلى ءارى سەنىمدى سيپاتتاعى ىنتىماقتاستىق ەرەكشە اتاپ ءوتىلدى.
م.بايمۇحان پولشا قازاقستاننىڭ ورتالىق جانە شىعىس ەۋروپاداعى نەگىزگى سىرتقى ەكونوميكالىق سەرىكتەستەرىنىڭ ءبىرى ەكەنىن اتاپ ءوتتى. وسى تۇرعىدا پرەزيدەنت ن.نازارباەۆتىڭ 2016 جىلعى 22-23 تامىزدا ۆارشاۆاعا جاساعان ساپارى شەڭبەرىندە قابىلدانعان قازاقستان مەن پولشا اراسىنداعى ەكونوميكالىق ىنتىماقتاستىق تۋرالى دەكلاراتسياسىنىڭ ماڭىزى زور.
ىنتىماقتاستىقتىڭ پراكتيكالىق ماسەلەلەرى 2018 جىلى 20 ماۋسىمدا استانادا وتكەن ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ وتىرىسىندا تالقىلاندى.
ەكى ەل ىقپالىنىڭ اسەرىمەن قازاقستان-پولياك تاۋار اينالىمىنىڭ ۇنەمى ءوسىپ كەلە جاتقان كورسەتكىشتەرى ايتارلىقتاي ناتيجەلەرگە قول جەتكىزدى. پولياك تاراپىنىڭ مالىمەتى بويىنشا, ەكىجاقتى تاۋار اينالىمى 2017 جىلدىڭ ناتيجەسى بويىنشا 1 ملرد. 243 ملن ەۋرونى قۇرادى (2016 جىلمەن سالىستىرعاندا ءوسىم 62,6%-دى قۇرادى). قازاقستاننىڭ ەكسپورتى 816 ملن. ەۋرو دەڭگەيىندە بولدى (59,4 %-عاوستى), ال پولشانىڭ يمپورتى 427 ملن. ەۋرونى قۇرادى (68,6%-عا ءوستى).
ينۆەستيتسيالىق ىنتىماقتاستىق شەڭبەرىندە قازاقستان ەلشىلىگىنىڭ قولداۋىمەن ۆارشاۆادا «Kazakh Invest» كومپانياسىنىڭدەربەس ارىپتەسىقۇرىلدى, سونداي-اق استانادا «PAIH» پولياك ينۆەستيتسيالار جانە ساۋدا جونىندەگى اگەنتتىگى وكىلدىگىنىڭ رەسمي اشىلۋى ءوتتى.
ءوزارا ساۋدا كولەمىنىڭ ءوسۋ فاكتورلارىنىڭ ءبىرى ترانزيت-كولىكتىك سالاسىنداعى قازاقستان مەن پولشانىڭ ايقىن الەۋەتى بولىپ تابىلادى. قازاقستان مەن پولشا «بەلدەۋمەن جول» كەڭ اۋقىمدى باستاماسىنىڭ ماڭىزدى بولىگى بولىپ تابىلادى, وعان قوسا ەكى ەل باسقا دا بالامالى كولىك دالىزدەرىن تابۋ بويىنشا جۇمىس جۇرگىزۋدە.
ەلشىنىڭ ايتۋىنشا, ەكىجاقتى بايلانىستار حالىقارالىق ارەنادا دا قارقىندى دامىپ كەلەدى. ەكىجاقتى سىرتقى ساياسي ديالوگتىڭ نىعايۋىنا 2018 جىلى قازاقستان مەن پولشانىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلەرى بولۋى قوسىمشا مۇمكىندىكتەر تۋدىرادى.
2017 جىلعى 1 قاڭتارىنان باستاپ پولياك ازاماتتارى ءۇشىن ۆيزاسىز رەجيمنىڭ ەنگىزىلۋى جانە 2017 جىلدىڭ مامىر ايىندا استانا مەن ۆارشاۆا اراسىنداعى تىكەلەي اۋە قاتىناسىنىڭ اشىلۋى ەكىجاقتى ىنتىماقتاستىققا ىقپال ەتتى.
مادەنيەت, ءبىلىم جانە عىلىم سالالارىنداعى ىنتىماقتاستىق بەلسەندى تۇردە دامىپ كەلەدى. قازىرگى تاڭدا پولشادا 800-گە جۋىق قازاقستاننانستۋدەنتتەر ءبىلىم الۋدا. «رۋحاني جاڭعىرۋ» باعدارلاماسى جانە «التىن ادامنىڭ الەم مۋزەيلەرىنە شەرۋى» حالىقارالىق جوباسى اياسىندا « ۇلى دالا مۇراسى: زەرگەرلىك ونەردىڭ شەدەۆرلەرى» مۋزەي ەكسپوزيتسياسىن وتكىزۋ جوسپارلانۋدا.
