بيىلعى جىلدىڭ تۇلەكتەرى كورەرمەن نازارىنا «كومپوزيتسيا» جانە ء«مۇسىن» پاندەرى بويىنشا قورىتىندى جۇمىستارىن ۇسىندى. بولاشاق سۋرەتشىلەر مەن مۇسىنشىلەردىڭ تۋىندىلارى ءبىرىن-ءبىرى قايتالامايدى, ءتۇرلى تەxنيكا مەن مانەردە ورىندالعان.
– ءبىزدىڭ مۇراجايدا كوركەمونەر مەكتەبىنىڭ تۇلەكتەرى شىعارماشىلىق جوبالارىن قورعادى. بىرىنشىدەن, مۇنداي ءپىشىم مەكتەپتە العان ءبىلىمنىڭ قورىتىندى كەزەڭىنە ەرەكشە ماڭىز بەرەدى. ال ەكىنشىدەن, ول ونەرمەن تىكەلەي بايلانىس ورناتۋعا مۇمكىندىك بەرەدى, – دەيدى وبلىستىق بەينەلەۋ ونەرى مۇراجايىنىڭ عىلىمي قىزمەتكەرى نازەركە جارتىن.
تۇلەكتەردىڭ كورمەدەگى جۇمىستارى كوبىنە تۋعان ولكە تاقىرىبىن قامتىعان. مۇنىڭ ءوزى ونەرلى جاستاردىڭ ەلگە, تۋعان جەرگە دەگەن شىنايى سۇيىسپەنشىلىگى مەن قۇرمەتىنەن حابار بەرسە كەرەك. بۇل يگى ىستەن ۇستازدار قاۋىمى دا تىس قالماعان. ء«ار تۋىندىدا ۇستازداردىڭ كاسىبي قولداۋى مەن ىقىلاسپەن جەتەكشىلىك ەتكەنى بايقالادى», – دەيدى نازەركە جارتىن.
كورمە اياقتالعاننان كەيىن تۇلەكتەرگە كوركەمونەر مەكتەبىن بىتىرگەنى تۋرالى كۋالىكتەر سالتاناتتى تۇردە تابىس ەتىلدى.
قايرات ءابىلدا,
«ەگەمەن قازاقستان»
قاراعاندى
