«كۋروچكا ريابا» قۇس فابريكاسىنىڭ دەمەۋشىلىگىمەن جۇزەگە اسقان قايىرىمدىلىق شاراسىنا كوپشىلىكتىڭ ءدان ريزا بولعانىن ايتۋىمىز كەرەك. ء«بىزدىڭ قىزمەتكەرلەرىمىزدىڭ دەنى وسى اۋىلدا تۇراتىن بولعاندىقتان, اۋىزاشار داستارحانىن دا وسى اۋماقتا ۇيىمداستىرعاندى ءجون سانادىق. بۇعان جۇمىسشىلارىمىز دا بەلسەنە اتسالىسقانىن جەتكىزگىم كەلەدى», دەيدى كاسىپورىن جەتەكشىسى ماكسيم بوجكو.
كەڭ جايىلعان داستارحانعا كوپشىلىكتىڭ ريزاشىلىعى شەكسىز, ولار ۇيىمداستىرۋشىلارعا اق تىلەگىن جاۋدىرىپ, جىلى لەبىزدەرىن ءبىلدىردى. «مەن بالا كەزىمنەن قازاق ۇلتىنداعى بالالارمەن دوس بولىپ ءوستىم. مۇسىلمانداردىڭ وسى ايىندا ادامداردىڭ ءبىر-بىرىنە جاقسىلىق جاساۋعا, قول ۇشىن تيگىزۋگە, كومەكتەسۋگە ۇمتىلاتىنىن بىلەتىنمىن. وسىنداي ىزگى امالدى تۋ ەتكەن ساناۋلى كۇندەردە ءبىز دە كوپشىلىكتىڭ العىسىن العىمىز كەلدى. سوندىقتان كۇنى بويى اۋىز بەكىتەتىن مۇسىلمانداردىڭ الدىنا بارىنشا مول, ولار ءۇشىن ادال ازىق-ت ۇلىك ۇسىنۋدى ءجون كوردىك. مەنىڭ ۇلتىم, دىنىم مۇسىلماندارمەن قارىم-قاتىناسىما ەش كەدەرگى ەمەس, مەن ولارمەن ءاردايىم بىرگەمىن. قازاقستاندا بارلىق ءداستۇرلى ءدىننىڭ تاتۋلىعى, دوستىعى بەرىك ساقتالعان. بۇل – ءبىزدىڭ پرەزيدەنتىمىزدىڭ بىرەگەي ساياساتىنىڭ جەمىسى», دەپ اعىنان جارىلدى «كۋروچكا ريابا» قۇس فابريكاسىنىڭ باسشىسى.
ءىس-شارادان سوڭ, كاسىبي ادەتىمىزگە ساي ماكسيمنەن شارۋاشىلىعىنىڭ تىنىس-تىرشىلىگى تۋرالى سۇراعان ەدىك. ول 2008 جىلى مۇحيتتىڭ ارعى جاعىنداعى اقش-تان «بولاشاق» باعدارلاماسىمەن ءبىلىم الىپ كەلگەن ەكەن. تۋعان جەرىنە كەلگەن سوڭ, نەمەن اينالىسۋدى ويلاستىرادى. ول قازاقستاندىق بيزنەستەگى تىڭ باعىتتاردىڭ ءبىرى – قۇس ءوسىرۋ شارۋاشىلىعىن قولعا الۋدى ۇيعاردى. سول كەزدە ارقالىقتان قۇس فابريكاسىن اشۋ يدەياسى تۋدى. ارتىنان قاراعاندى قالاسىنان ءدال وسىنداي يگى جوبانى جۇزەگە اسىرادى.
بۇل كۇندە العاشقىسىنان جىلىنا 120 ميلليوننان اسا, كەيىنگىسىنەن 150 ميلليونعا جۋىق ءونىم الادى ەكەن. ء«بىز مۇنىمەن توقتاپ قالعان جوقپىز. جەزقازعانداعى تاعى ءبىر قاڭىراعان قۇس فابريكاسىن قالپىنا كەلتىردىك. كومپانيامىزدىڭ ەڭ ۇلكەن جوباسى 2016 جىلى استانانىڭ ىرگەسىندەگى اقمول اۋىلىندا باستالدى. ءبىز مۇندا جىلىنا ءوندىرىس كولەمى 20 مىڭ توننا بولاتىن قۇس ەتىن شىعاراتىن كاسىپورىندى ىسكە قوسپاقپىز. ال بۇل ەلوردانىڭ قۇس ەتىنە دەگەن قاجەتتىلىگىن ءجۇز پايىزعا جابۋى ءتيىس. ونىمدەرىمىز قازاقستاندا ەڭ ۇزدىكتەردىڭ قاتارىندا», دەيدى ماكسيم.
فابريكانىڭ تۇتىنۋشىلارى كۇن ساناپ ارتۋدا. بۇل سالا ماكسيمنىڭ ءومىرىنىڭ مانىنە اينالىپ ۇلگەرگەن. ونىڭ ماقساتى تۇتىنۋشىلاردى ساپالى ونىممەن قامتاماسىز ەتىپ, ءوندىرىسىن ودان ارى ۇلعايتۋ. بۇگىندە فابريكانىڭ ونىمدەرى رەسەي, قىرعىزستان, تاجىكستان, ءتىپتى اۋعانستان ەلدەرىنە ساتىلادى. ونىمدەرىنىڭ وزىندىك قۇنى تومەن, ويتكەنى, جەم-ازىقتىڭ نەگىزگى بولىگىن كومپانيا وزدەرى وندىرەدى.
ء«بىزدىڭ ارتىقشىلىعىمىز – استاناعا جاقىن تۇرعاندىعىمىز. ارىپتەستەرىم نەگىزىنەن شارۋاشىلىق جۇمىستارىمەن اينالىسسا, مەن جاڭالىقتار ەنگىزۋگە كۇش سالامىن», دەگەن ماكسيم قازاقستانداعى كاسىپكەرلىك سالاسىنا قولداۋ شارالارىنا قۋاناتىنىن جەتكىزدى.
