ەۋروپالىق وداققا مۇشە-مەملەكەتتەردىڭ ەلشىلەرى ەو كەڭەسىنىڭ اتىنان ەو ۆيزالىق كودەكسىنە وزگەرتۋ ەنگىزۋ ۇسىنىسى بويىنشا كەلىسسوزدەردى جۇرگىزۋگە ماندات بەرۋ تۋرالى شەشىمدى قولدادى. بۇل تۋرالى ەو كەڭەسىنىڭ ارنايى وتىنىشىندە ايتىلعان. «كوشى-قون پروتسەستەرىن ءتيىمدى باسقارۋ كەلۋگە قاقىسى جوق ازاماتتاردى قايتارۋىمىزعا مۇمكىندىك بەرەدى. ۆيزالىق كودەكستىڭ جاڭا ەرەجەلەرى ءوز ازاماتتارىن قايتارعىسى كەلمەيتىن ءۇشىنشى جاقتاعى مەملەكەتتەرگە جاۋاپ قايتارۋ ءۇشىن تاعى ءبىر تەتىك بەرەدى»,- دەدى بولگاريانىڭ پرەمەر-ءمينيسترى ۆالەنتين رادەۆ. جوسپارلى وزگەرىستەرگە سايكەس, وتىنىشتەر جول جۇرۋدەن 6 ايعا دەيىن جانە 15 كۇننەن كەشىكتىرىلمەي ەنگىزىلەتىن بولادى. سونداي-اق, وتىنىشتەردى ەلەكتروندى نۇسقادا تولتىرۋ مۇمكىندىگى قاراستىرىلىپ جاتىر.
ەو ۆيزالىق كودەكسىندە بولاتىن وزگەرتۋلەر ۆيزالاردى راسىمدەۋ بارىسىن جىلدامداتىپ, ناقتىلاپ بەرەدى. سونداي-اق, شەنگەن ۆيزاسىنىڭ باعاسى 80 ەۆروعا دەيىن نەمەسە قر ۇلتتىق بانكىنىڭ باعامى بويىنشا 31 411 تەڭگەگە كوتەرىلەدى دەگەن بولجام بار. ەسكە سالايىق, قازاقستان ازاماتتارى ءۇشىن شەنگەن ۆيزاسىنىڭ قۇنى قازىرگى تاڭدا 60 ەۆرونى قۇرايدى, 6 جاسقا دەيىنگى بالالارعا - تەگىن.
