مونيتورينگكە ساراپتامالىق كوميسسيا باسشىسى, اكىم كەڭەسشىسى جانە «نۇر وتان» فراكتسياسىنداعى وبلىستىق ءماسليحات دەپۋتاتى ا.سالمانوۆ, «نۇر وتان» پارتياسى ماڭعىستاۋ وبلىستىق فيليالىنىڭ قوعامدىق قابىلداۋ ءبولىمىنىڭ مەڭگەرۋشىسى م.جايلىباەۆ, وبلىستىق فيليالدىق ۇيىمداستىرۋ-باقىلاۋ ءبولىمىنىڭ مەڭگەرۋشىسى س.دجۋلداسوۆا جانە وبلىستىق دەنساۋلىق ساقتاۋ باسقارماسىنىڭ قىزمەتكەرلەرى قاتىستى.
مونيتورينگ جۇرگىزىلگەن مەكەمەلەردىڭ ءبىرى اقتاۋ قالاسى 26 شاعىن اۋداندا ورنالاسقان وبلىستىق پەرزەنتحاناعا قاتىستى وبلىس تۇرعىندارىنان شاعىم تۇسپەگەن, الايدا, وسى پەرزەنتحانادا زاماناۋي تەحنيكالىق اپپاراتتاردىڭ جەتىسپەۋى سالدارىنان كەدەرگىلەر بولىپ تۇراتىندىعى انىقتالدى.
پەرزەنتحانانىڭ باس دارىگەرى ج.جامانباەۆانىڭ ايتۋىنشا, ورتالىققا كۇنىنە 40-50 ايەل كەلىپ بوسانادى ەكەن.
-ماڭعىستاۋ وبلىسى بويىنشا بالا سانىنىڭ ءوسىمى باسقا وبلىستارمەن سالىستىرعاندا وتە جوعارى, ماسەلەن كۇنىنە قىرىقتان اسا ايەل كەلىپ تۇسسە, بوسانىپ العان قىرىعى شىعارىلادى. ءبىزدىڭ ورتالىقتا ازىرشە ەكى-ءۇش قانا ۋزي اپپاراتى بار, ولاردىڭ قولدانىسقا ەنگەنىنە التى جىلدان استى. وتكەن جىلى 200 اقاۋى بار بالا دۇنيەگە كەلسە, بيىلدىڭ وزىندە سوڭعى التى ايدا 163 بالانىڭ اقاۋى بولعان. وسىنداي اقاۋلاردى انىقتاپ, الدىن الۋ ءۇشىن وبلىسقا ۆوليۋسون ە-10 ۋزي اپپاراتىنان 16 دانا قاجەت, -دەدى ول.
باس دارىگەر جەتىسپەيتىن ۋزي اپپاراتتارىمەن قاتار, كەيبىر دارىگەر مامانداردىڭ دا ورتالىققا قاجەتتىلىگىن اتاپ ءوتتى.
مونيتورينگ جۇرگىزگەن وبلىستىق ءماسليحات دەپۋتاتى ا.سالمانوۆ باس دارىگەردىڭ مۇقتاجىن وبلىس اكىمى ورىنباسارى ر. ساكەەۆ ايتتى.
-وبلىس اكىمى ورىنباسارى رۋسلان ساكەەۆ جىل سوڭىنا دەيىن 16 ۋزي اپپاراتىنىڭ قاجەت ەتكەن اۋرۋحانالارعا جەتكىزىلىپ, تولىق قامتاماسىز ەتىلەدى دەپ ۋادە ەتتى, - دەدى دەپۋتات.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
