فوتو: ەرسىن ءجۇمادىلوۆ
قىمىزمۇرىندىق مەرەكەسىن وتكىزۋگە اۋىلدار قانت-كامپيت, باۋىرساق, قۇرت-مايلارىن قورجىنعا تولتىرىپ, قىمىزدارىن كوتەرىپ جەتتى. قالاعا قارايتىن 34 اۋىلدىق اۋماق بار. بارلىعى دا ءتورت ت ۇلىك مال باعىپ, اتا سالتىن جالعاستىرۋدا. ۇشتەرەك, دوستىق, شەكاراشى اۋىلدارىندا جالپى, قالادا ەلگە ورالعان اعايىندار وتباسىلارى كوپ تۇرادى. اعايىنمەن بىرگە سالت-ءداستۇر, اتا بابا جولى, بارلىعى دا قايتا ورالدى.
بۇل كۇنى جينالعان جۇرتشىلىققا قىمىز تەگىن تاراتىلدى.
قىمىزمۇرىندىق-قىستان امان-ەسەن شىققان, جازعا سالىم بيە بايلاپ, العاشقى قىمىز ىشەتىن كۇن. كوپكە بۇيىرسىن دەگەن تىلەكپەن اۋىل جۇرتتى قىمىزمۇرىندىققا شاقىرادى. بۇل جولى دا اۋىلداردان كەلگەن ونەرپازدار اننەن شاشۋ شاشتى. قولونەر شەبەرلەرى وزدەرى جاساعان ويۋ-ورنەككە تولى ءتۇرلى ۇلتتىق بۇيىمدارىنىڭ كورمەسىن وتكىزدى.
-قىمىز دەرتكە ءدارى ەكەنىن, ناعىز شيپالى سۋسىن,- دەيدى اۋىلدان كەلگەن اعايىن. مەرەكەدە جينالعان جۇرتشىلىق بيە ساۋمەن جانە قىمىزدىڭ جاسالۋ جولدارىمەن تانىستى.
فاريدا بىقاي,
«ەگەمەن قازاقستان»
