832 جولاۋشىنىڭ 200-ءى العان بيلەتتەرىنە سايكەس شۋ ستانسىسىندا ءتۇسىپ قالعان. 488 جولاۋشى الماتى قالاسىنا جونەلتىلسە, قالعاندارى تەمىرجول كولىگىمەن جەتكىزىپ تاستاۋ ۇسىنىسىنان باس تارتىپ, بەلگىلەنگەن پۋنكتتەرگە اۆتوكولىكتەرمەن ءوز بەتتەرىمەن كەتكەن. «قتج» ۇك» اق جەدەل شتابىنىڭ اقپاراتىنا سايكەس, №10 جولاۋشىلار پويىزى ۆاگوندارىنىڭ رەلستەن شىعىپ كەتۋى سالدارىنان 14 ادام زارداپ شەكتى.
قازىرگى ۋاقىتتا ءۇش ادام - شۋ اۋداندىق اۋرۋحاناسىندا, ال 11-ءى شۋ قالالىق اۋرۋحاناسىندا جاتىر. «استانادان الماتىعا كەتىپ بارا جاتقان №10 پويىزدىڭ ۆاگوندارى كريۋكوۆ جانە تۆەر ۆاگون قۇراستىرۋ زاۋىتتارىنان 2012-2014 جىلدارى شىققان.
ۆاگوندار تالاپ ەتىلەتىن تەحنولوگيالىق زەرتتەۋلەردەن وتكەن, ءنورماتيۆتى-تەحنيكالىق قۇجاتتامالارعا سايكەس كەلەدى. ءنورماتيۆتى-تەحنيكالىق تالاپتارعا سايكەس, №10 پويىزدىڭ ۆاگوندارى رەيسالدى تەحنيكالىق قىزمەت كورسەتۋدەن وتكەن. تەمىر جولداردى تەحنيكالىق رەگلامەنت بويىنشا تەكسەرۋ جۇمىستارى ايىنا ەكى مارتە جۇرگىزىلەدى. جولولشەۋىش ۆاگونداردىڭ جولدارى سوڭعى رەت 2018 جىلدىڭ 6 ماۋسىمىندا ولشەنگەن. كەمشىلىكتەر انىقتالماعان», - دەلىنگەن قتج اقپاراتىندا.
«الماتى-1» ۆوكزالىندا كومەك كورسەتۋ ءۇشىن جاعداي جاسالىپ وتىر. ناقتىراق ايتقاندا, №10 پويىزدىڭ جولاۋشىلارىنا مەديتسينالىق قىزمەت كورسەتۋ, قوسىمشا اقپاراتتىق-انىقتامالىق اۋماقتا تەمىرجول بيلەتتەرىنىڭ قۇنىن قايتارۋ بويىنشا كەڭەس بەرۋ قاراستىرىلعان.
بيلەتتىڭ قۇنىن قايتارۋعا قاتىستى بارلىق سۇراقتار بويىنشا «جولاۋشىلار تاسىمالى» اق-عا 8(7172) 600-244; 933-617 نومىرىنە حابارلاسۋعا (استانا قالاسى) بولادى.
«نسك» اق ساقتاندىرۋ كومپانياسىنان شىعىندى وتەۋ ماسەلەسى بويىنشا ساعات 20:00-گە دەيىن 8(7172) 600-235; 600-128 نومىرىنە قوڭىراۋ شالۋ كەرەك.
