جاڭارتىلعان جۋرنال تانىستىرىلىمىنا كەلگەن قۇرمەتتى قوناقتار قاتارىندا قر ينۆەستيتسيالار جانە دامۋ ءمينيسترى جەڭىس قاسىمبەك, «قتج» ۇك» اق باسقارما توراعاسى قانات الپىسباەۆ, مادەنيەت جانە سپورت ۆيتسە-ءمينيسترى ەرلان قوجاعاپانوۆ, اقپارات جانە كوممۋنيكاتسيالار ۆيتسە-ءمينيسترى نۇرگۇل ماۋبەرلينوۆا, تاعى باسقا دا مەملەكەت جانە قوعام قايراتكەرلەرى, كولىك-لوگيستيكالىق كومپانيا وكىلدەرى بولدى.
قازاقستاندا سالالىق, سونىڭ ىشىندە ەلىمىزدىڭ كولىك-لوگيستيكالىق دامۋى تۋرالى باياندايتىن باسىلىمدار كوپ ەمەس. سوندىقتان جاڭا مەنشىك يەسى ەرجان سەيىتقازىنوۆ ءدال وسى باعىتقا قارجى ينۆەستيتسيالاۋدى ۇيعارعان.
«مەن ءۇشىن «ترانزيت.kz» جۋرنالى جاي مەديا جوبا ەمەس, بۇل ۇلكەن سىن. قازاقستاندا كولىك سالاسى - ەڭ باسىم باعىتتاردىڭ ءبىرى. ءبىز گەوگرافيالىق تۇرعىدان قىتايدى رەسەيمەن تەمىرجولمەن, اۆتوجولدارمەن بايلانىستىرامىز. كاسپي تەڭىزىندە ءبىزدىڭ تەڭىز كومپانيامىز – ەڭ ءىرى كومپانيالاردىڭ ءبىرى. بارلىق ازيادا ءبىزدىڭ اۋەتاسىمالداۋشىمىز كوشباسشى اتاندى. ياعني ءبىز ەۋرازيا ورتالىق حابى بولىپ ەسەپتەلەمىز. سوندىقتان مەن ەلىمىزدىڭ پيارىنا كىشكەنە بولسا دا ۇلەسىمدى قوسىپ, تۋريستەردى, ينۆەستورلاردى تارتۋعا كومەكتەسكىم كەلەدى. جۋرنالدىڭ جاڭا ۇرانى – «ەۋرازيا جۇرەگى ارقىلى». كوماندامىزبەن وسى تاپسىرمانى ورىندايمىز دەپ ۇمىتتەنەمىن», – دەدى باس رەداكتور, ەرجان سەيىتقازىنوۆ.
تۇساۋكەسەردە ءسوز سويلەگەن ينۆەستيتسيا جانە دامۋ ءمينيسترى جەڭىس قاسىمبەك باسىلىمنىڭ ماڭىزدىلىعىن اتاپ ءوتتى.
«ەلىمىزدىڭ ءجىو-ىندە كولىك جانە كوممۋنيكاتسيا ۇلەسى 8%-دان اسادى. بۇل قازاقستان ەكونوميكاسىنا ايتارلىقتاي قوماقتى سالىم. ءبىز ەكى ءىرى نارىق, قىتاي مەن ەۋروپا, ورتاسىندامىز. سوندىقتان كولىك جانە لوگيستيكا – قازاقستان ءۇشىن ماڭىزدى سالا. بۇل جۇمىستار تۋرالى ساۋاتتى جازۋ – باق, سونىڭ ىشىندە «ترانزيت.kz» جۋرنالىنىڭ مىندەتى. ءبىز باسىلىم ۇجىمى مەن باسشىلىعىنا كاسىبي جەتىستىكتەر تىلەيمىز. جۋرنال بىزگە وتە قىزىقتى, جانە ءبىز ءوز تاراپىمىزدان تەحنيكالىق, اقپاراتتىق قولداۋ كورسەتەمىز. وسى سالا باسشىسى رەتىندە بار پراكتيكالىق كومەگىمدى كورسەتۋگە ۋادە بەرەمىن. بىزدە ۇلكەن كولەمدە اقپارات, جاڭا يدەيالار, جوبالار بار, جانە وسى اقپاراتتى ءسىزدىڭ جۋرنال ارقىلى حالىققا قۋانا جەتكىزۋگە دايىنبىز», – دەدى مينيستر.
«قتج» ۇك» اق باسشىسى قانات الپىسباەۆ ترانزيتكە كۇرەس تەك كولىك سالاسىندا ەمەس, بۇقارالىق اقپارات قۇرالدارى الاڭىندا دا ءجۇرىپ جاتقانىن اتاپ ءوتتى.
«بۇل جۋرنالدىڭ قايتا جاعارىپ شىعۋى قازاقستاننىڭ ترانزيتتىك حاب رەتىندە جايعاسۋىنىڭ جاڭا دەڭگەيىن باستايدى دەپ ويلايمىن. بۇل -بىزگە ەلباسىنىڭ قويعان ماقساتتى تاپسىرماسى. بىرقاتار ستراتەگيالىق باستامالار جۇزەگە اسىرىلىپ جاتىر, ولاردى جان-جاقتى جاريالاۋ قاجەت. جۋرنال جارىق كورگەننەن باستاپ, تەك اقپاراتتىق قانا ەمەس, ساراپتامالىق باعىتتاعى ايدارلار دا شىعا باستايدى دەپ ۇمىتتەنەمىن. مەنىڭ ويىمشا, بىزگە كوبىنە قازىروسىجەتىسپەي تۇر. ارينە, ءبىز كولىك سالاسى رەتىندە, ۇلتتىق حولدينگ رەتىندە بۇل جوباعا بارىنشا قولداۋ كورسەتەمىز. ۇجىمعا اق جول, شەكسىز تەمىر ماگيسترالدەر, ۇزىن اۆتوجولدار مەن اشىق اسپان تىلەيمىن!» – دەپ قۇتتىقتادى قانات الپىسباەۆ.
ەرلان قوجاعاپانوۆ ءوز كەزەگىندە ساياحات تاقىرىبىن دامىتۋ ماڭىزدىلىعىن اتاپ ءوتتى. كولىكتىك جانە تۋريستىك سالالار ءوزارا تىعىز بايلانىستى.
«بۇل باسىلىم ماعىزدىلىعىن اسىرا باعالاۋ مۇمكىن ەمەس. اسىرەسە قازىر ەكونوميكامىز بەلسەندى دامىپ, جىل سايىن ترانزيتتەن تۇسىمدەر ءوسىپ جاتىر. تاسىمالداۋدىڭ تۋريزم سالاسىنداعى ءرولىن باسا ايتقىم كەلەدى. قازىر ۇكىمەت ەلباسى تاپسىرماسى بويىنشا بۇل باعىتقا ۇلكەن نازار اۋدارۋدا. ايتپەسە مىڭداعان كيلومەتر نە ءۇشىن سالىندى – ارينە, ءتۋريزمدى دامىتۋ ءۇشىن. بۇگىن قازاقستانعا 7,5 ميلليوننان استام ادام كەلىپ, ونىڭ شامامەن 3,5 ميلليونى ترانزيت تارتىبىندە جۇرەدى. جىلدان جىلعا بۇل سان وسە بەرەدى. ساتتىلىك تىلەيمىز, جۋرنالدىڭ وقىرماندارى كوبەيە بەرسىن», – دەدى ول.
اقپارات جانە كوممۋنيكاتسيا ۆيتسە-ءمينيسترى نۇرگۇل ماۋبەرلينوۆا جۋرنالدىڭ ەلباسىنىڭ كولىك-لوگيستيكالىق سالاسىنداعى وزگەرىستەر تۋرالى حالىقتى قۇلاقتاندىرۋ تۋرالى تاپسىرماسىن وڭاي ورىندايتىنىنا سەنىمدىلىك ءبىلدىردى.
«ترانزيت.kz» رەسپۋبليكالىق جۋرنالى 2007 جىلدىڭ ماۋسىمىنان بەرى ءار توقسان سايىن شىعارىلىپ كەلگەن. ەندى ول اي سايىن جاريالانادى.
