ستۋدەنتتەردىڭ تەوريالىق ءبىلىمى مەن تاجىريبەسىن ۇشتاستىرىپ, ءارى قازاقستان مەن فرانتسيانىڭ ءبىلىم سالاسىنداعى حالىقارالىق ىنتىماقتاستىعىن ۇلاستىرۋدى كوزدەگەن مەكتەپ جۇمىسى ايتارلىقتاي ناتيجەلى.
ال دارىستەردى توتال كومپانياسىنىڭ ساراپشىلارى كاسىبي ساراپتاما جۇرگىزۋ جانە تاجىريبەدەن الىنعان ناقتى مىسالداردى زەرتتەۋ نەگىزىندە دايىنداعان.
– تولايىم «توتال» كومپانياسىنىڭ باستاماسى بولىپ تابىلاتىن بۇل جازعى مەكتەپ العاش رەت وتكىزىلدى. «توتال» – جاس تالانتتاردى قولداۋ مەن جەرگىلىكتى كادرلاردى دامىتۋ جونىندە مىندەتتەمەسى بار, قازاقستاندا 25 جىل بويى قىزمەت ەتىپ كەلە جاتقان مۇناي-گاز كومپانياسى. سوندىقتان ىنتىماقتاستىقتى ەڭ بەدەلدى جوعارعى وقۋ ورىندارىنىڭ ءبىرى – قازۇۋ-دەگى «گەو-ەنەرگەتيكا» ورتالىعىمەن باستاۋدى ءجون كوردىك. جازعى مەكتەپ جىل سايىن ۇيىمداستىرىلادى دەپ جوسپارلاپ وتىرمىز, سونداي-اق, ونى الماتىدا عانا ەمەس, سونىمەن بىرگە, بۇكىل قازاقستاننىڭ ستۋدەنتتەرى وعان قاتىسا الۋى ءۇشىن استانادا جانە باسقا دا قالالاردا وتكىزگىمىز كەلەدى, – دەدى قازاقستانداعى توتال كونتسەرنىنىڭ باسشىسى پاسكال برەان.
قازىردىڭ وزىندە مەكتەپتە قازۇۋ ستۋدەنتتەرى عانا ەمەس, سونىمەن بىرگە, پوليتەحنيكالىق ۋنيۆەرسيتەتتىڭ, زاڭ ۋنيۆەرسيتەتىنىڭ, كاسپي ۋنيۆەرسيتەتىنىڭ, قبتۋ ستۋدەنتتەرى وقىپ ۇلگەردى. جازعى مەكتەپتىڭ باعدارلاماسى مۇناي كەن ورىندارىن يگەرۋ جانە پايدالانۋ, مۇنايدى تاسىمالداۋ ماسەلەلەرىن عانا ەمەس, سونىمەن بىرگە, حالىقارالىق قۇقىقتىڭ تولىقتىرمالىلىعى, مەنەدجمەنت, حالىقارالىق قاتىناستار سىندى ەلدىڭ دامۋىنا جاردەمدەسىپ, شەتەلدىك كومپانيالارعا قازاقستاندا جۇمىس جاساۋعا مۇمكىندىك بەرەتىن گۋمانيتارلىق ماسەلەلەردى قامتيتىنداي ەتىپ دايىندالعان.
11-15 ماۋسىم كۇندەرى ارالىعىندا وكەن توتال ەنەردجي جازعى مەكتەبى ەنەرگەتيكا سالاسىنداعى پاندەردى وقيتىن باكالاۆرلار-ستۋدەنتتەرگە جانە ماگيسترانتتارعا ارنالعان.
دايىنداعان
ايناش ەسالي,
«ەگەمەن قازاقستان».
الماتى
