قىرىق جىلدان بەرى شاھار جولاۋشىلارىنا قىزمەت كورسەتىپ كەلە جاتقان اتالعان سەرىكتەستىك مەنشىگىندە بارلىعى 89 اۆتوبۋس تىركەلگەن بولسا, 66 اۆتوبۋس بەكىتىلگەن باعىتتار بويىنشا حالىققا قىزمەت كورسەتىپ كەلەدى. ەندى اتالعان مەكەمە «جول كارتاسى» دامۋ باعدارلاماسى اياسىندا جالپى قۇنى 190 ميلليون تەڭگەنى قۇرايتىن, رەسەي مەملەكەتىنەن اكەلىنگەن ورتاشا سىيىمدىلىقتاعى 20 «پاز-32054» ماركالى اۆتوبۋسىن اينالىمعا قوساتىن بولادى. ولار كەلەشەكتە قالا ىشىندەگى №11 جانە №17 باعىتتارىنداعى ەسكىرگەن كولىكتەردىڭ ورىنىن الماستىرادى. بارلىق كولىكتەر گاز وتىنىن تۇتىنۋعا لايىقتالعان. سونىمەن قاتار, ولاردىڭ ناقتى ۋاقىت كەستەسىن باقىلاپ وتىرۋ ءۇشىن GPS جۇيەسىمەن جانە اۆتوماتتاندىرىلعان حابارلاۋ قوندىرعىسىمەن جابدىقتالعان.
تاراز قالاسى اكىمدىگىنىڭ حابارلاۋىنشا, وبلىس ورتالىعىندا الداعى ۋاقىتتاردا تاسىمالداۋشىلارمەن بىرلەسە مۇنداي ءىس-شارالاردى جۇزەگە اسىرۋ ءوز جالعاسىن تابا بەرەتىن بولادى. ماسەلەن «اۋليەاتاترانسپاسس», «ەكسپرەسس-05», «تارازترانسموتورس» جاۋاپكەرشىلىگى شەكتەۋلى سەرىكتەستىكتەرىمەن جالپى سانى 39 دانا ورتاشا جانە ۇلكەن سىيىمدىلىقتى اۆتوبۋستار ساتىپ الۋ بويىنشا ءتيىستى جۇمىستار جۇرگىزىلىپ كەلەدى ەكەن. جۋىق ارادا قالا ىشىندەگى №9, 12, 16, 43, 44, 47 جانە 54 باعىتتارىنداعى ەسكىرگەن كولىكتەر جاڭاسىمەن اۋىستىرىلادى.
حاميت ەسامان,
«ەگەمەن قازاقستان»
جامبىل وبلىسى
