ونەركاسىپ سالاسىندا جىل باسىنان بەرى وڭ ديناميكا قالىپتاسىپ, ەسەپتى مەرزىمدە بۇل سالادا 165,7 ميلليارد تەڭگەگە ءونىم وندىرىلگەن. بۇل وتكەن جىلدىڭ ءتيىستى كەزەڭىمەن سالىستىرعاندا 12,3 پايىزعا وسكەن. ونىڭ ىشىندە ءوسىم تاۋ-كەن ونەركاسىبىندە 15,6 پايىزدى, وڭدەۋ ونەركاسىبىندە 12,5 پايىزدى, ەلەكترمەن جابدىقتاۋ, گاز, بۋ بەرۋ جانە اۋا باپتاۋ 8,8 پايىزدى, سۋمەن جابدىقتاۋ, كارىز جۇيەسى قالدىقتاردىڭ جينالۋىن جانە تاراتىلۋىن باقىلاۋ 2,2 پايىزدى قۇرادى.
بۇل – رەسپۋبليكا وڭىرلەرى اراسىنداعى ءۇشىنشى وڭ كورسەتكىش جانە ورتاشا رەسپۋبليكالىق كورسەتكىشتەن 6,9 پايىزدىق تارماققا جوعارى. ءوڭىر ەكونوميكاسىنىڭ تاعى ءبىر باستى سالاسى – اۋىل شارۋاشىلىعىندا ۇستىمىزدەگى جىلدىڭ ەسەپتى مەرزىمىندە 39,4 ميلليارد تەڭگەنىڭ ءونىمى ءوندىرىلدى. ونىڭ ىشىندە مال شارۋاشىلىعىندا ءوسىم 4,2 پايىزدى قۇراپ, 38,7 ميلليارد تەڭگەگە دەيىن جەتكەن. ءوسىم نەگىزىنەن ەت ءوندىرۋ كولەمىنىڭ 4,9 پايىزعا, ءسۇت ءوندىرۋ كولەمىنىڭ 3,6 پايىزعا, جۇمىرتقا ءوندىرىسىنىڭ 1,2 پايىزعا ارتۋى سەبەبىنەن قامتاماسىز ەتىلدى. بۇل – رەسپۋبليكا وڭىرلەرى اراسىنداعى بەسىنشى كورسەتكىش جانە ورتاشا رەسپۋبليكالىق كورسەتكىشتەن 0,1 پايىزدىق تارماققا جوعارى.
ەسەپتى مەرزىمدە نەگىزگى كاپيتالعا سالىنعان ينۆەستيتسيا كولەمى 7,3 پايىزعا ارتىپ, 69,6 ميلليارد تەڭگەنى قۇراپ وتىر. ءوسىم جۋالى اۋدانىنداعى «بۋرنوە سولار» كۇن ەلەكتروستانساسىنا قۇرال-جابدىقتار الۋعا, مويىنقۇم اۋدانى «ورگ-ستروي» جشس-ءنىڭ فيليالىنىڭ ارلەۋ تاستارىن وندىرەتىن جانە وڭدەيتىن زاۋىت قۇرىلىسىن سالۋعا جانە سارىسۋ اۋدانىندا «ەۆروحيم قاراتاۋ» جشس حيميالىق تىڭايتقىشتار وندىرەتىن زاۋىت قۇرىلىسىنا ينۆەستيتسيانى تارتۋ ەسەبىنەن قامتاماسىز ەتىلدى. بۇل – رەسپۋبليكا وڭىرلەرى ارالىعىندا ون ءبىرىنشى كورسەتكىش.
جامبىل وبلىسىندا بۇگىندە قۇرىلىس جۇمىستارىنىڭ كولەمى 24,9 ميلليارد تەڭگەنى نەمەسە وتكەن جىلدىڭ قاڭتار-مامىر ايىنا 119,8 پايىزدى قۇرادى. ءوسىم تاراز قالاسىندا كوپپاتەرلى تۇرعىن ۇيلەر مەن ەكى مەكتەپتىڭ, تالاس اۋدانىندا ماگيسترالدى گاز قۇبىرىنىڭ جانە شۋ اۋدانىندا كىرەبەرىس تەمىرجول قۇرىلىستارىندا قۇرىلىس-مونتاج جۇمىستار كولەمىنىڭ ۇلعايۋىنا بايلانىستى بولىپ وتىر. بۇل – رەسپۋبليكا وڭىرلەرى ارالىعىندا ءۇشىنشى وڭ كورسەتكىش جانە ورتاشا رەسپۋبليكالىق كورسەتكىشتەن 19,5 پايىزدىق تارماققا جوعارى.
جامبىل وبلىستىق اكىمدىگىنىڭ مالىمەتىنشە, اعىمداعى جىلدىڭ بەس ايىندا وتكەن جىلدىڭ ءتيىستى كەزەڭىنەن 20,6 پايىزعا ارتىق جانە جالپى كولەمى 152,7 مىڭ شارشى مەتردى قۇرايتىن تۇرعىن ءۇي پايدالانۋعا ەنگىزىلدى. بۇل – رەسپۋبليكا وڭىرلەرى ارالىعىندا جەتىنشى كورسەتكىش جانە ورتاشا رەسپۋبليكالىق كورسەتكىشتەن 17,9 پايىزدىق تارماققا جوعارى.
– جالپى, ەكونوميكانىڭ بارلىق نەگىزگى سالالارى بويىنشا ەسەپتى مەرزىمدە جامبىل وبلىسىنىڭ 2018-2022 جىلدارعا ارنالعان الەۋمەتتىك-ەكونوميكالىق دامۋ بولجامىندا بەلگىلەنگەن جوسپارلى ماندەردەن اسىرا ورىندالىپ وتىر. ينفلياتسيا دەڭگەيى 102,2 پايىز دەڭگەيىندە قالىپتاستى جانە بۇل كورسەتكىش ورتاشا رەسپۋبليكالىق ماننەن 0,2 پايىزدىق تارماققا تومەن. ازىق-ت ۇلىك تاۋارلارىن تۇتىنۋ باعاسى 2,9 پايىزعا, ازىق-ت ۇلىك ەمەس تاۋارلار 2,3, ال اقىلى قىزمەتتەر 1,4 پايىزعا ارتتى. بيۋدجەتتىڭ كىرىس بولىگى اعىمداعى جىلدىڭ 1 مامىرىنا 97,2 ميلليارد تەڭگەگە نەمەسە 105,5 پايىزعا ورىندالدى – دەيدى جامبىل وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلدانا جاۋىنبەكوۆا.
حاميت ەسامان,
«ەگەمەن قازاقستان»
