بۇل تىزىمدە پورتۋگاليالىق كريشتيانۋ رونالدۋ مەن ارگەنتينالىق ليونەل مەسسي كوش باستاپ تۇر. ارينە, وعان تاڭدانۋعا بولاماس. سوڭعى 10 جىل كولەمىندە ايتۋلى قوس ازامات ەڭ ۇزدىك فۋتبولشىعا تيەسىلى «التىن دوپتى» الما-كەزەك يەلەنۋدە. سول ۋاقىت ارالىعىندا الەمدەگى وزگە تەڭبىل دوپ شەبەرلەرىنە بۇنداي باق بىردە-ءبىر مارتە بۇيىرمادى. ال رونالدۋ مەن مەسسيدىڭ قانجىعاسى بەس-بەس رەتتەن مايلاندى.
ءۇشىنشى ورىندا – نەيمار. برازيليانىڭ شابۋىلشىسى دا سوڭعى كەزدەرى ورەلى ونەرىمەن جانكۇيەرلەر جۇرەگىن جاۋلاۋدا. سونىمەن قاتار, ۇزدىك 10 ويىنشىنىڭ قاتارىنا پولشالىق روبەرت لەۆاندوۆسكي, ۋرۋگۆايلىق لۋيس سۋارەس, يسپانيالىق داۆيد دە حەا, گەرمانيالىق مانۋەل نويەر, يسپانيالىق سەرحيا راموس, بەلگيالىق ەدەن ازار جانە گەرمانيانىڭ تاعى ءبىر جۇلدىزى توني كرووس سىندى ساڭلاقتار بار.
عالىم سۇلەيمەن,
«ەگەمەن قازاقستان»
