جوباعا تاڭ اۋىلىنداعى «ماناق بابا» فەرماسى تاڭدالدى. جوبا اياسىندا كۇن رادياتسياسى مەن جەل قوزعالىسىن ەلەكتر ەنەرگياسىنا اينالدىراتىن كۇن جانە جەل ەلەكتر ستانساسىنان تۇراتىن گيبريدتىك قوندىرعى ورناتىلدى. الىنعان ەنەرگيا تۇرمىس پەن شارۋا قوجالىعىنىڭ قاجەتتىلىكتەرى ءۇشىن پايدالانىلادى.
ودان بولەك, ارنايى سورعى شارۋا قوجالىعى اۋماعىنداعى سكۆاجينادان سۋدى سورىپ الادى جانە تاۋلىكتىك رەتتەۋ باسسەينىنە جينايدى.
«جاسىل» تەحنولوگيالاردى قولدانا وتىرىپ, ارال وڭىرىندە مۇنداي شاعىن اۋىل شارۋاشىلىعى بيزنەسىن دامىتۋ سۋ جانە ەنەرگيا قاجەتتىلىگىنە بايلانىستى الەۋەتتى ەكونوميكانىڭ شىعىنىن 29 ميلليون تەڭگەگە قىسقارتادى. قارجى ۇنەمىنەن تىس, جوبانىڭ ارقاسىندا سو2 قالدىعى جىلىنا 300 تونناعا دەيىن قىسقارادى. جالپى, جوبا قىزىلوردا وبلىسىنىڭ جالاعاش اۋدانىنداعى 37 مىڭ تۇرعىندى جوعارى ساپالى اۋىل شارۋاشىلىعى ونىمىمەن قامتاماسىز ەتۋگە مۇمكىندىك بەرەدى.
جيىنعا قىزىلوردا وبلىسىنىڭ اكىمى قىرىمبەك كوشەرباەۆ, بۇۇ تۇراقتى ۇيلەستىرۋشىسى/ بۇۇ دب-نىڭ قازاقستانداعى تۇراقتى وكىلى نوريماسا شيمومۋرا, قازاقستانداعى ەو وكىلدىگىنىڭ ۋاقىتشا سەنىمدى ۋاكىلى زولتان سالاي مەن قازاقستانداعى گەرمانيا ىستەرى جونىندەگى ۋاقىتشا سەنىمدى ۋاكىلى يوناتان ۆاينبەرگ قاتىستى.
باقتيار تايجان,
«ەگەمەن قازاقستان»
