قارجى ءمينيسترى ب. سۇلتانوۆتىڭ بايانداماسىنا سايكەس, مەملەكەتتىك بيۋدجەت كىرىستەرى (ترانسفەرتتەرسىز) 3 290 ملرد تەڭگەنى نەمەسە جوسپاردىڭ 104,3% قۇرادى. رەسپۋبليكالىق بيۋدجەت بويىنشا كىرىستەردىڭ اتقارىلۋى — 100,7%-ءتى, جەرگىلىكتى بيۋدجەت بويىنشا — 114,4%-ءتى قۇرادى. رەسپۋبليكالىق بيۋدجەت شىعىندارى 3 684,5 ملرد تەڭگەگە يگەرىلدى.
پرەمەر-مينيستر بەس ايدىڭ قورىتىندىسى بويىنشا اۋىل شارۋاشىلىعى جانە ونەركاسىپ سالالارىندا ءوسىم بايقالاتىنان اتاپ ءوتتى. دەگەنمەن, قۇرىلىس سالاسىندا ايتارلىقتاي ءوسىم بەلگىلەنبەگەن. رەسپۋبليكالىق وبەكتىلەردىڭ قۇرىلىسىنا بيۋدجەتتە 275,5 ملرد تەڭگە قارالعان. قارجى ءمينيسترى ب. سۇلتانوۆتىڭ مالىمدەۋىنشە, ەسەپتى كەزەڭدە جىلدىق سومانىڭ تەك 15% عانا يگەرىلگەن, ياعني 42,2 ملرد تەڭگە. جىل سوڭىنا دەيىن 233,3 ملرد تەڭگە اتقارىلۋى قاجەت.
ينۆەستيتسيالار جانە دامۋ ءمينيسترى ج. قاسىمبەك ءوز كەزەگىندە نىساندار قۇرىلىسى بويىنشا جۇمىستاردىڭ كەستە بويىنشا جۇرگىزىلىپ جاتقانىن جانە جىل سوڭىنا دەيىن جوسپاردىڭ ورىندالاتىنىن جەتكىزدى.
ماسەلەنى قاراۋ ناتيجەلەرى بويىنشا باقىتجان ساعىنتاەۆ اۋىل شارۋاشىلىعى مەن ءوندىرىس سالاسىنداعى كورسەتكىشتەردىڭ وسكەنىن اتاپ ءوتتى. ايتسە دە, بيۋدجەت قاراجاتىن ءتيىمدى پايدالانۋدى مۇقيات قاداعالاپ, ءتيىستى كونكۋرستىق پروتسەدۋرالاردى وتكىزۋ ءۇشىن ءىس-شارالار قابىلداۋ تاپسىرىلدى.
قارجى مينيسترلىگىنە وسى جىلدىڭ التى ايىنىڭ قورىتىندىسى بويىنشا بەلگىلەنگەن ينديكاتورلاردى ورىنداماۋ كەزىندە بولىنگەن قاراجاتتى قايتارىپ الۋ جانە ونى مەملەكەت باسشىسى قويعان باسقا مىندەتتەردى ىسكە اسىرۋ ءۇشىن قايتا ءبولۋ تاپسىرىلدى. اۋىل شارۋاشىلىعىن, قايتا وڭدەۋ سالاسىن دامىتۋدى, ەكونوميكانى نەسيەلەندىرۋدى قارجىلاي قامتاماسىز ەتۋ بويىنشا مىندەتتەردى شەشۋ ءۇشىن جۇيەلى شارالاردى كۇشەيتۋ قاجەت.
باقىلاۋعا الۋ قر پرەمەر-ءمينيسترىنىڭ ءبىرىنشى ورىنباسارى ا. مامين مەن قر پرەمەر-ءمينيسترىنىڭ ورىنباسارى ە. دوساەۆقا تاپسىرىلدى.
