قالانىڭ سول جاق بولىگىندەگى كارىز تازارتۋ عيماراتىنىڭ كەشەنى اتىراۋدىڭ وڭتۇستىك, وڭتۇستىك-شىعىس بولىگىندە ورنالاسادى.
كەشەن جۇمىسىن باستاعاننان كەيىن قازىرگى قولدانىستاعى "ساسىقساي" جابىلادى, جەرگىلىكتى تۇرعىندار بىرنەشە جىل بويى وسى ماسەلە بويىنشا شاعىمدانىپ جۇرگەن ەدى. كەشەندە باس كارىز ستانساسى الاڭى, كارىز تازارتۋ عيماراتى الاڭى, بيولوگيالىق توعان الاڭى مەن بۋلانۋ الاڭى بار. كەشەن قۋاتى تاۋلىگىنە 70 000 كۋب مەتر پايدالانىلعان سۋ.
قۇرىلىس 2019 جىلى اياقتالادى. ايتا كەتەيىك, 14 اقپان 2018 جىلى اتىراۋ قالاسى اكىمى سەرىك شاپكەنوۆ تۇرعىندارمەن كەزدەسۋىندە كتج عيماراتى 1978 جىلى قولدانىسقا بەرىلگەنىن, سودان بەرى كۇردەلى جوندەۋ جاسالماعانىن ايتقان ەدى. پايدالانىلعان سۋ بۋلانۋ الاڭىنا جەتكەنگە دەيىن تازارتۋدىڭ تولىق ساتىسىنان وتپەيدى. بۇل تۇرعىنداردىڭ نارازىلىعىن تۋدىرىپ كەلدى: اپات بولعان جاعدايدا قالانى لاس سۋ باساتىن ەدى.
