يساكوۆقا بىشكەكتەگى جىلۋ ەلەكتر ستانتسياسىن (جەس) مودەرنيزاتسيالاۋ ءىسى بويىنشا قوزعالعان قىلمىستىق ءىس اياسىندا "سىبايلاس جەمقورلىق" ايىبى تاعىلعان. يساكوۆ 29 مامىردا ۇلتتىق قاۋىپسىزدىك جونىندەگى مەملەكەتتىك كوميتەتىندە (ۇقمك) كەزەكتى رەت تەرگەلدى. ول العاش رەت تەرگەۋگە 26 ساۋىردە شاقىرىلعان.
تەرگەۋ دولبارى بويىنشا, ساپار يساكوۆ 2013 جىلى قىرعىزستان پرەزيدەنتى اپپاراتىندا سىرتقى ساياسات ءبولىمىن باسقارىپ تۇرعان كەزىندە, "بىشكەك قالاسى جەس-ءىن مودەرنيزاتسيالاۋ" جوباسىن جۇزەگە اسىرۋ بارىسىندا قىزمەتىن پايدالانىپ, مەردىگەردى كونكۋرستا ىرىكتەپ الۋ كەزىندە شەتەلدىك كومپانيانىڭ مۇددەسىن قورعاعان. ناتيجەسىندە مەملەكەتكە وراسان زور شىعىن كەلگەن.
