استانا قالاسىنىڭ اكىمدىگى «رۋحاني جاڭعىرۋ» باعدارلاماسى اياسىندا ەلوردادا قوعامدىق سانانى جاڭعىرتۋعا قاجەتتى بارلىق جۇمىستاردى بەلسەندى تۇردە جۇرگىزىپ وتىر. قوعامدىق سانانى جاڭعىرتۋعا بايلانىستى ەلباسى ايتقان 6 نەگىزگى ۇسىنىس بار. ولار: باسەكەگە قابىلەتتىلىك, پراگماتيزم, ۇلتتىق بىرەگەيلىكتى ساقتاۋ, ءبىلىمنىڭ سالتانات قۇرۋى, قازاقستاننىڭ رەۆوليۋتسيالىق ەمەس, ەۆوليۋتسيالىق دامۋى جانە سانانىڭ اشىقتىعى. ءبىزدىڭ جۇيەلى جۇمىسىمىز وسى 6 باعىتقا نەگىزدەلگەن. قازىر «اتامەكەن», «رۋحاني قازىنا», «تاربيە جانە ءبىلىم», «اقپارات تولقىنى» كىشى باعدارلامالارى بەكىتىلىپ, ىسكە اسىرىلا باستادى.
ايتا كەتەتىن تاعى ءبىر جايت, ەلباسى ن.نازارباەۆ ءوزىنىڭ ماقالاسىندا: «بولاشاقتا ۇلتتىڭ تابىستى بولۋى, ادامدارىنىڭ باسەكەگە قابىلەتتىلىگىمەن ايقىندالادى», دەگەن بولاتىن. سوندىقتان ءاربىر ازاماتىمىز وسى زامانعا لايىقتى قاسيەتتەرگە يە بولۋى كەرەك. ول ءۇشىن ءبىرىنشى كەزەكتە بىلىمگە ۇلكەن كوڭىل ءبولۋ قاجەت. 2050 جىلعا قاراي حالقىمىزدىڭ 70 پايىزى قالالاردا تۇرادى دەپ كۇتىلۋدە.
سونىمەن قاتار جىلدان جىلعا قازاق ءتىلدى ماماندارعا سۇرانىس ارتا بەرەدى. ونى قازىردىڭ وزىندە بايقاۋعا بولادى. سوندىقتان ءبىز بۇگىننىڭ وزىندە وقىتۋ پروتسەسىن 46 پايىزدان 65 پايىزعا دەيىن قازاق تىلىندە جۇرگىزۋ جانە جاڭا ماماندىقتارعا وقىتۋدى قولعا الىپ وتىرمىز. ولاردىڭ ىشىندە تەحنيكالىق قىزمەتتەر جانە مەديتسينالىق تەحنيكالار جوندەۋ, مەديتسينالىق وپتيكا, فارماتسەۆتيكا جانە ت.ب ماماندىقتار بار. ءبىزدىڭ ماقساتىمىز – تۇرعىنداردى باسەكەگە قابىلەتتى قىلۋ, جوعارى دەڭگەيلى تابىسپەن قامتاماسىز ەتۋ», دەدى قالا باسشىسى.
ول سونداي-اق استانادا جاستار اراسىندا سپورتتى ناسيحاتتاۋعا ەرەكشە كوڭىل ءبولىنىپ وتىرعانىن العا تارتىپ, سالىنعان نىساندارعا ساراپتاما جاسادى. «مىسالى, وتكەن جىلى مەتسەناتتاردىڭ قولداۋىمەن №59 مەكتەپ-ليتسەيى جانىنان جاڭا فۋتبول الاڭى سالىندى. جوبانىڭ قۇنى – 120 ملن تەڭگە. سونداي-اق بىلتىر «نۇرال» بالالاردى دامىتۋ ورتالىعى اشىلدى. اتالعان نىساندى سالۋعا 80 ملن تەڭگە جەكەمەنشىك ينۆەستيتسيا سالىندى. ورتالىقتا 8 سپورت تۇرىنە ارنالعان سەكتسيالار قاراستىرىلعان. بۇل جەردە كاسىبي سپورتشىلارمەن بىرگە الەۋمەتتىك تۇرمىسى تومەن وتباسىلاردىڭ بالالارى, باسقا دا سپورتتى جاندارىنا سەرىك ەتكەن ادامدار جاتتىعۋ جاساي الادى», دەدى ءا.ورەنتاي ۇلى.
جيىن بارىسىندا استانا قالاسىنىڭ اكىمى «رۋحاني قازىنا» كىشى باعدارلاماسى شەڭبەرىندە قازاقستان حالقىنىڭ مادەني مۇرالارىن ناسيحاتتاۋعا, جاڭعىرتۋعا, ءپاتريوتيزمدى قالىپتاستىرۋعا, وتاندى سۇيۋگە ۇندەيتىن 17 جوبا ىسكە اسىرىلعانىن تىلگە تيەك ەتتى. وسى ورايدا ساراپشىلارمەن بىرلەسىپ 44 اسا ماڭىزدى تاريحي جادىگەرلەردى قايتا قالپىنا كەلتىرگەن ارنايى جوبا جۇزەگە اسقان. ول جادىگەرلەردىڭ ىشىندە ساكەن سەيفۋلليننىڭ جەكە زاتتارى مەن «الجير» مۋزەيى مەموريالدىق كەشەنىنىڭ ەكسپوناتتارى بار.
سونىمەن قاتار قالا اكىمى ەلوردانىڭ مادەني ومىرىنە دە شولۋ جاساپ, تىڭ جاڭالىقتارمەن ءبولىستى. ەكسپو الاڭىندا جاڭا ساتيرا جانە ءازىل تەاترىنىڭ اشىلۋى بولادى. اتالعان تەاتردىڭ كوركەمدىك جەتەكشىسى – تۇرسىنبەك قاباتوۆ. جانە دە ەلباسىنىڭ تاپسىرماسىمەن, «رۋحاني جاڭعىرۋ» باعدارلاماسىنىڭ اياسىندا استانا قالاسىندا قازاق دراما تەاترىنىڭ جاڭا عيماراتى بوي كوتەرەدى. قازىرگى ۋاقىتتا مادەنيەت جانە سپورت مينيسترلىگىمەن بىرگە وسى باعىتتا جۇمىستار جۇرگىزىلىپ جاتىر. بۇدان بولەك, قاسيەتتى ورىنداردى ساقتاۋ ماقساتىندا بىرقاتار تاريحي جانە مادەني نىساندارعا رەستاۆراتسيا جۇمىستارى جۇرگىزىلدى. ولار – «بايتەرەك» مونۋمەنتى, ورىس اكادەميالىق دراما تەاترىنىڭ عيماراتى, «اتامەكەن» ەتنومەموريالدىق كەشەنى. وتكەن جىلى بۇل نىسانداردى ارالاعان قوناقتاردىڭ سانى 600 مىڭنان استى. سونىڭ ارقاسىندا ەلورداعا كەلۋشىلەر قازاقستاننىڭ تاريحى مەن تاۋەلسىز ەلىمىزدىڭ دامۋ كەزەڭدەرىمەن, جەتىستىكتەرىمەن جەتە تانىستى», دەدى ءا.يسەكەشەۆ.
راۋان قايدار,
«ەگەمەن قازاقستان»
