تاريحي-ولكەتانۋ مۋزەيىنىڭ قىزمەتكەرى يرينا گورباتسەۆيچ كەلتىرگەن دەرەكتەر بويىنشا قازاقستاندا100 مىڭعا جۋىق ادام ساياسي قۋعىن-سۇرگىنگە ۇشىراسا, تورتتەن ءبىرى اتۋ جازاسىنا كەسىلگەن. وڭىردە 7 مىڭداي تۇرعىن نەبىر زوبالاڭدى باستان كەشسە, 1465-ءنىڭ تۇبىنە قورعاسىن وق جەتكەن.
«ەلىمىزدە 20-دان استام لاگەرلەرگە ادامدار ەش جازىقسىز قامالىپ,ءومىردىڭ دە, تۇرمىستىڭ دا اۋىر تاۋقىمەتىن تارتتى. قىزىلجار وڭىرىندە بەس تۇرمە بولدى», دەيدى ي. گورباتسەۆيچ.
«پاميات» قوعامدىق ۇيىمىنىڭ باستاماسىمەن وسىدان بىرنەشە جىل بۇرىن ساياسيقۋعىن-سۇرگىن قۇرباندارىنا ارنالىپ ۇلكەن ەسكەرتكىش مەموريال ورناتىلىپ, اتى-جوندەرىتاسقا قاشاپ جازىلعانبولاتىن. قازىر بۇل جەر ارۋاقتارعا تاعزىم ەتىلەتىن, قۇشاق-قۇشاق گۇل شوقتارى قويىلاتىن قسيەتتى ورىنعا اينالعان. كەش بارىسىندا ساكەن سەيفۋلليننىڭ, ماعجان جۇماباەۆتىڭ جاس بۋىندى ەلدى, جەردى سۇيۋگە ۇندەيتىن, ۇلتجاندىلىققا شاقىراتىن ولەڭ-جىرلارى وقىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
