ەلباسى نۇرسۇلتان نازارباەۆ 2017 جىلدىڭ قاراشا ايىندا وتكەن پارتيا ساياسي كەڭەسىنىڭ كەڭەيتىلگەن وتىرىسىندا نۇروتاندىقتاردىڭ الدىنا ناقتى مىندەتتەر قويىپ, بىرقاتار باسىم باعىتتاردى انىقتاپ بەرگەن بولاتىن.
وسىعان بايلانىستى, جاڭعىرۋدىڭ جاڭا كەزەڭىنە اياق باسقان «نۇر وتان»» پارتياسى تىڭ باستامالاردى قولعا الىپ, بارلىق باعىتتا جۇيەلى جۇمىس جۇرگىزۋدە. اتاپ ايتقاندا, تسيفرلاندىرۋدى جۇزەگە اسىرۋ, شاعىن جانە ورتا بيزنەستى قولداۋ جانە «رۋحاني جاڭعىرۋ» باعدارلامالار بار. سونىڭ ءبىرى – مەملەكەتتىك-جەكەمەنشىك ارىپتەستىك نەگىزىندە جاس ۇرپاققا كومپيۋتەرلىك باعدارلامالار نەگىزدەرىن وقىتاتىن تەگىن IT سىنىپتارىن اشۋ جوبالارى ەدى.
«نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ وسى بەلگىلەنگەن جۇمىستاردى شۇعىل ارادا باستاۋ تۋرالى تاپسىرمالار جۇكتەدى.
«ەلىمىزدە جاڭا بيىكتەرگە باستايتىن مۇنداي جوبالاردى الماتى قالاسىنداعى جۇيەلى جۇمىستار كوڭىل قۋانتادى. جۋىقتا عانا 40 جىلدىق تاريحى بار, جاڭا زامانعا لايىقتالىپ, جان-جاقتى كۇردەلى جوندەۋدەن وتكىزىلگەن جامبىل اتىنداعى مەملەكەتتىك جاسوسپىرىمدەر كىتاپحاناسىندا ءبىلىم ورتالىعى اشىلعان بولاتىن,- دەيدى قالالىق فيليالدىڭتوراعاسىنىڭ ورىنباسارى قايىپمۇنار تابەەۆ مىرزا. - وندا جەكە ءوزىڭ نەمەسە دوستارىڭمەن بارىپ, رۋحاني جان دۇينەڭدى, وي-ءورىسىڭدى دامىتۋعا بارلىق جاعداي جاسالعان, تەگىن Wi-Fi جەلىسى ورناتىلىپ, قاجەتتى تەحنيكالارمەن جابدىقتالعان. مىسالى, قالاعان كىتاپتارىڭنىڭ ەلەكتروندى نۇسقالارىن وقي الاتىن ء«موبيلدى كىتاپحانا» ينتەراكتيۆتى وقۋ زالى جۇمىس ىستەيدى. سونداي-اق, كەلۋشىلەردىڭ كىتاپ وقىپ قانا قويماي, دەمالىستارىن كوڭىلدى, جايلى وتكىزۋىنە دە قولايلى كوۆوركينگ ورتالىعى ۇيىمداستىرىلعان. بۇگىن مىنە, وقۋشىلار سارايىندا قالالىق ءبىلىم باسقارماسى مەن «سوليۋشين» جشس قولداۋىمەن IT سىنىپ اشىلىپ وتىر. جىل اياعىنا دەيىن كاسىپكەرلەر قولداۋىمەن وسىنداي 8 كلاسس اشىلادى.
IT سىنىپتىڭ كومەگى ارقاسىندا ەندى جاس ۇرپاق وكىلدەرى تسيفرلى ساۋاتتىلىعىن ارتىرىپ قانا قويماي, كاسىبي باعدارلاماشى-مامان رەتىندە احپاراتتىق تەحنولوگيانىڭ دامۋىنا ءوز ۇلەستەرىن قوسادى دەپ ۇمىتتەنەدى.
IT تەحنولوگيانى دامىتۋ – جارقىن بولاشاقتىڭ كەپىلى.بۇل باعىتتاعى جۇمىستاردىڭ تابىستى جۇزەگە اسىرىلۋى «تسيفرلى قازاقستان» مەملەكەتتىك باعدارلاماسىنىڭ جەمىسى ەكەنى ءسوزسىز.سوندىقتان, پارتيا وسىعان بايلانىستى قولعا الىنعان, حالىق ءۇشىن پايداسى زور ءىس-شارالاردىڭ بارلىعىنا ءتيىستى قولداۋ كورسەتە بەرەتىن بولادى.
سول كۇنگى IT سىنىبىنىڭ جەتەكشىسى اندرەي دۋپيكتىڭ العاشقى ساباعىنىڭ سوڭىندا بالالار ۇستازدىڭ تۇسىندىرۋىمەن قۇراستىرىلعان العاشقى روبوتتارىنا تاڭىرقاي قارادى.... ەرتەڭگە ىنتىققان بۇلدىرشىندەر.
ساپارباي پارمانقۇل,
«ەگەمەن قازاقستان»
الماتى
