ءوزىن-ءوزى جۇمىسپەن قامتۋشىلاردى زەينەتاقى جۇيەسىنە تارتۋ كۇشەيتىلدى

قوردان زەينەتاقى تولەمدەرىنىڭ جەتكىلىكتى مولشەردە جۇزەگە اسىرىلۋى – زەينەتاقى جارنالارىنىڭ تۇراقتى اۋدارىلىپ تۇرۋىنا تىكەلەي بايلانىستى. بىرىڭعاي جيناقتاۋشى زەينەتاقى قورى بارلىق ەڭبەككە قابىلەتتى تۇرعىنداردىڭ جيناقتاۋشى زەينەتاقى جۇيەسىنە قاتىسۋى ماڭىزدى ەكەندىگىن تۇسىنە وتىرىپ, ءوزىن-ءوزى جۇمىسپەن قامتۋشىلاردى زەينەتاقى جۇيەسىنە تارتۋ بويىنشا اقپارات بەرۋ-ءتۇسىندىرۋ جۇمىستارىن تۇراقتى جۇرگىزىپ كەلەدى. وسىلايشا زەينەتاقى جۇيەسىنىڭ ەنجار قاتىسۋشىلارىن انىقتاۋ ءۇشىن بجزق سالىمشىلارىنىڭ بازاسى تالداندى جانە زەينەتاقى جارنالارى تۇسپەيتىن شوتتاردى وڭدەۋ ناۋقانى باستالدى. سونىڭ ارقاسىندا سالىمشىلار دەرەكقورىندا 2015-2017 جىلدار ارالىعىندا اشىلعان, بىراق سودان بەرى بىردە-ءبىر رەت جارنا تۇسپەگەن, سونداي-اق, زەينەتاقى جيناقتارى بار, بىراق 2017 جىلى جارنا تۇسپەگەن شوتتار انىقتالدى. 

قوردىڭ وڭىرلىك جەلىسىنىڭ قىزمەتكەرلەرى وسى شوتتاردىڭ يەلەرىنە حابارلاسىپ, زەينەتاقى جارنالارىنىڭ نە ءۇشىن تۇسپەي جاتقاندىعىن انىقتاۋمەن ءارى  قولدانىستاعى زەينەتاقى زاڭناماسى بويىنشا اقپاراتتاندىرۋ جۇمىستارىن جۇرگىزۋدە. 

2018 جىلدىڭ العاشقى جارتىسىندا 325 مىڭداي سالىمشىنى قامتۋ جوسپارلانعان بولاتىن. ازىرگە 2018 جىلدىڭ اقپان-ءساۋىر ايلارى ارالىعىندا 117 264  سالىمشىمەن بايلانىس ورناتىلدى. تەلەفون ارقىلى حابارلاسۋ ناتيجەسىندە سول سالىمشىلاردىڭ 19 پايىزى (ال بۇل – 22396 ادام) قوسىمشا اقىل-كەڭەس الۋ ءۇشىن قورعا حابارلاستى. وسىلايشا 25 مىڭنان استام جەكە زەينەتاقى شوتىنا جالپى سوماسى 150 ملن تەڭگەگە مىندەتتى زەينەتاقى جارنالارى اۋدارىلدى. بۇل – بايلانىس ورناتىلعان سالىمشىلاردىڭ 21 پايىزىنا تەڭ.

ساۋالناما جۇرگىزۋ ناتيجەسىندە بايلانىس ورناتىلعان سالىمشىلاردىڭ جارتىسىنا جۋىعىنىڭ جۇمىسسىز ەكەندىگى, ال قالعاندارى – ءوزىن-ءوزى جۇمىسپەن قامتۋشىلار, جەكە كاسىپكەرلەر, بەيرەسمي جۇمىسپەن قامتىلعان ازاماتتار ەكەندىگى انىقتالدى. قور بايلانىس ورناتقان سوڭ جارنا اۋدارعان سالىمشىلاردىڭ شامامەن 41 پايىزى – 18 جاستان 25 جاسقا دەيىنگى جاستار, شامامەن 34 پايىزى – 25 جاستان 40 جاسقا دەيىنگىلەر, 14 پايىزدان استامى – 40 جاستان 50 جاسقا دەيىنگىلەر جانە 11 پايىزدان استامى - 50 جاستان اسقان ازاماتتار.   

بايلانىس ورناتىلعان سالىمشىلارعا جيناقتاۋشى زەينەتاقى جۇيەسى تۋرالى اقىل-كەڭەس جانە ءونىمدى جۇمىسپەن قامتۋ جانە جاپپاي كاسىپكەرلىك سەكىلدى الەۋمەتتىك باعدارلامالار بويىنشا تولىققاندى مالىمەت بەرىلدى.    

زەينەتاقى قورى ەكونوميكالىق تۇرعىدان بەلسەندى ازاماتتاردىڭ بارلىعىن جيناقتاۋشى زەينەتاقى جۇيەسىمەن قامتۋ ماقساتىندا بۇل باعىتتاعى جۇمىستار ودان ءارى جالعاستىرادى.