بۇل شارانىڭ ماقساتى - بۇقارالىق سپورتتى دامىتۋ جانە حالىق اراسىندا سالاۋاتتى ءومىر سالتىن ناسيحاتتاۋ. ءداستۇرلى سپورتتىق جارىستار تەك قانا اقتوبە تۇرعىندارىنىڭ اراسىندا عانا تانىمال ەمەس ەكەنىن ايتا كەتۋ كەرەك. بيىلعى جىلى قاتىسۋعا وتىنىمدەر الماتى, استانا, اتىراۋ, ورال, اقتاۋ, سونداي-اق وبلىستىڭ اۋداندارىنان دا بولدى.
وبلىس اكىمى بەردىبەك ساپارباەۆ سپورتتىق جارىستىڭ قاتىسۋشىلارىن قۇتتىقتاپ, سالاۋاتتى ءومىر سالتىن ناسيحاتتاۋعا شاقىردى.
- مەملەكەت باسشىسى ءاربىر قازاقستاندىقتىڭ سپورتپەن شۇعىلدانۋى, سالاۋاتتى ءومىر سالتىن ۇستانۋى كەرەك دەگەن مىندەت قويعان بولاتىن, سەبەبى كەز كەلگەن ەلدىڭ بولاشاعى ءوز ازاماتتارىنىڭ دەنساۋلىعىنا بايلانىستى. ءبىز, ءوز كەزەگىمىزدە, پرەزيدەنتتىڭ تاپسىرماسىن ورىنداۋ ءۇشىن بارلىق قاجەتتى جاعدايلاردى جاسايمىز. ارقايسىمىز ءۇشىن دەنساۋلىعىمىز مىقتى بولۋى ماڭىزدى, ءبىزدىڭ دەنساۋلىعىمىز ەڭ الدىمەن وزىمىزگە بايلانىستى. سالاۋاتتى ءومىر ءسۇرۋ جانە ۇزاق ۋاقىت بويى ءومىر ءسۇرۋ ءۇشىن ارقاشان قوزعالىستا بولۋعا, سپورتپەن شۇعىلدانۋعا ءتيىسپىز, - دەدى وبلىس باسشىسى.
3, 10 جانە 21 شاقىرىمدىق جۇگىرۋگە 5 مىڭنان استام ادام قاتىستى. 10 جانە 21 كم ارالىعىنداعى بارلىق قاتىسۋشىلار مەدالدارمەن ماراپاتتالدى. جەڭىمپازدار 50-دەن 250 مىڭ تەڭگەگە دەيىنگى سوماعا سەرتيفيكاتتارمەن ماراپاتتالدى. 10 شاقىرىمدىق جارىستىڭ ەڭ جاس قاتىسۋشىسى 13 جاسار ايسۋلۋ ۋتەسين بولسا, ەڭ ۇلكەنى 78 جاستاعى تولەۋ ورىنباەۆ بولدى. ولار دا ەستەلىك سىيلىقتارمەن ماراپاتتالدى.
