قازاقستان رەسپۋبليكاسى ۇكىمەتىنىڭ قاۋلىسى №1497

2011 جىلعى 8 جەلتوقسان                           استانا, ۇكىمەت ءۇيى «تاۋار شىعارىلعان ەلدى انىقتاۋ, تاۋاردىڭ شىعۋ تەگى تۋرالى ساراپتاما اكتىسىن جاساۋ جانە بەرۋ ءارى تاۋاردىڭ شىعۋ تەگى تۋرالى سەرتيفيكاتتى رەسىمدەۋ, كۋالاندىرۋ جانە بەرۋ جونىندەگى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 22 قازانداعى №1647 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «تاۋار شىعارىلعان ەلدى انىقتاۋ, تاۋاردىڭ شىعۋ تەگى تۋرالى ساراپتاما اكتىسىن جاساۋ جانە بەرۋ ءارى تاۋاردىڭ شىعۋ تەگى تۋرالى سەرتيفيكاتتى رەسىمدەۋ, كۋالاندىرۋ جانە بەرۋ جونىندەگى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 22 قازانداعى №1647 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., №44, 423-قۇجات) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن تاۋار شىعارىلعان ەلدى انىقتاۋ, تاۋاردىڭ شىعۋ تەگى تۋرالى ساراپتاما اكتىسىن جاساۋ جانە بەرۋ ءارى تاۋاردىڭ شىعۋ تەگى تۋرالى سەرتيفيكاتتى رەسىمدەۋ, كۋالاندىرۋ جانە بەرۋ جونىندەگى ەرەجەدە: 8-تارماق مىناداي مازمۇنداعى جەتىنشى بولىكپەن تولىقتىرىلسىن: «تاۋەلسىز مەملەكەتتەر دوستاستىعى ەلدەرىن قوسپاعاندا, قازاقستان رەسپۋبليكاسىندا وندىرىلگەن جانە ەركىن ساۋدا تۋرالى كەلىسىم جاساسقان ەلدەرگە ەكسپورتتالاتىن تاۋارلاردىڭ شىعۋ تەگى قازاقستان رەسپۋبليكاسى ءۇشىن كۇشىنە ەنگەن حالىقارالىق شارتتاردا كورسەتىلگەن نەگىزدە ايقىندالادى.»; 23-تارماقتا: مىناداي مازمۇنداعى 1-1) تارماقشامەن تولىقتىرىلسىن: «1-1) «ست-2» نىسانداعى سەرتيفيكات – تاۋەلسىز مەملەكەتتەر دوستاستىعى ەلدەرىن قوسپاعاندا, ەركىن ساۋدا تۋرالى كەلىسىم جاسالعان جانە قولدانىلاتىن ەلدەرگە قازاقستان رەسپۋبليكاسىنان شىعارىلاتىن تاۋارلارعا;»; 3) تارماقشا مىناداي رەداكتسيادا جازىلسىن: «3) «وريگينال» نىسانىنداعى سەرتيفيكات – وسى تارماقتىڭ 1), 1-1) جانە 2) تارماقشالارىندا كورسەتىلمەگەن ەلدەرگە شىعارىلاتىن تاۋارلارعا اعىلشىن نەمەسە ورىس تىلدەرىندە ء(وتىنىم بەرۋشى ايقىندايدى);». 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنەدى. قازاقستان رەسپۋبليكاسى پرەمەر-ءمينيسترى ك.ءماسىموۆ.