تىڭداۋشىلار «ساياسي كوشباسشىلىق» جانە «ساياسي-پارتيالىق مەنەدجمەنت» باعىتتارى بويىنشا ءبىلىم الدى. شاراعا پارتيا توراعاسىنىڭ ءبىرىنشى ورىنباسارى ماۋلەن اشىمباەۆ, «نازارباەۆ ۋنيۆەرسيتەتى» دببۇ-نىڭ پرەزيدەنتى شيگەو كاتسۋ جانە قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ ۆيتسە-رەكتورى التاير احمەتوۆ قاتىستى.
«نۇر وتان» پارتياسى ساياسي كەڭەسىنىڭ سوڭعى كەڭەيتىلگەن وتىرىسىندا ەلباسى ن.نازارباەۆ پارتيا الدىنا جاڭا مىندەتتەر قويىپ, بىرقاتار تاپسىرما بەرگەن بولاتىن. ونىڭ قاتارىندا پارتيالىق ءبىلىم بەرۋ ءىسىن جەتىلدىرىپ, كادرلىق رەزەرۆتى جانداندىرۋ باستاماسى دا بار. باستاما ناتيجەسىندە پارتيانىڭ ساياسي مەنەدجمەنت مەكتەبى نەگىزىندە ساياسي مەنەدجمەنت اكادەمياسى قۇرىلىپ, اكادەميا ءبىلىم بەرۋدىڭ جاڭا فورماتىنا كوشتى. مىنە, بۇگىن جاڭا باعدارلامامەن قايتا دايارلاۋدان وتكەن پارتيا كادرلارىنىڭ العاشقى توبىنا كۋالىك تابىستايمىز. العاشقى تىڭداۋشىلارىمىز بولعاندىقتان, وسى ماماندارعا ارتىلاتىن ءۇمىت پەن كۇتىلەتىن ناتيجە جوعارى», دەدى شارانى اشقان ساياسي مەنەدجمەنت اكادەمياسىنىڭ ديرەكتورى جانار بوقانوۆا.
اكادەميانىڭ العاشقى تۇلەكتەرىن قۇتتىقتاعان ماۋلەن اشىمباەۆ ءوز كەزەگىندە بۇل باستامانىڭ ءمانىسى زور ەكەنىنە توقتالدى. ءبىز پارتيا كادرلارىنىڭ بىلىكتىلىگىن ارتتىرۋعا باعىتتالعان جاڭا باعدارلامانى اياقتاپ جاتقان ارىپتەستەرىمىزبەن كەزدەسىپ وتىرمىز. 145 ادام قاتىسقان ۇلكەن ىرىكتەۋدەن ءوتىپ, قايتا دايارلاۋ بويىنشا جاڭا زامانعا لايىقتى ءبىلىم العان پارتيا قىزمەتكەرلەرى وقىتۋ بارىسىندا العان ءبىلىمى مەن ماشىقتارىن بولاشاقتا ءوز قىزمەتىندە كەڭىنەن قولدانادى دەگەن ويدامىز, دەدى ول. پارتيا قىزمەتىن جاڭعىرتۋعا تەك جاڭا جوبالار, ساراپتامالىق الەۋەتتى ارتتىرۋ عانا ەمەس, سونىمەن بىرگە بىلىكتى كادر دايارلاۋ ماسەلەسى دە جاتادى. وسىعان وراي ەلباسى زاماناۋي بىلىممەن قارۋلانعان پارتيا كادرلارىن دايىنداۋدى تاپسىرعان بولاتىن. بۇگىنگى شارا – سونىڭ العاشقى ناقتى ناتيجەسى. ءبىزدىڭ ماقساتىمىز – زاماناۋي يننوۆاتسيالىق تەحنولوگيالار مەن ساپالى بىلىمگە ارقا سۇيەپ جۇمىس ىستەيتىن نۇروتاندىقتاردىڭ بىلىكتى, كاسىبي بۋىنىن قالىپتاستىرۋ. بۇگىنگى تىڭ باستامانى سونداي ماڭىزدى جولداعى سەرپىندى قادام دەپ قابىلداۋىمىز كەرەك.
ودان بولەك, پارتيا توراعاسىنىڭ ءبىرىنشى ورىنباسارى پارتيالىق ءبىلىم بەرۋدىڭ جاڭا باعدارلاماسىن جۇزەگە اسىرۋدا قولداۋ كورسەتىپ, ىنتىماقتاستىق تانىتقان نازارباەۆ ۋنيۆەرسيتەتى مەن مەملەكەتتىك باسقارۋ اكادەمياسىنىڭ باسشىلىعىنا جانە بارلىق لەكتورعا العىسىن ءبىلدىردى. ال «نازارباەۆ ۋنيۆەرسيتەتى» دببۇ پرەزيدەنتى شيگەو كاتسۋ مەن قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ ۆيتسە-رەكتورى التاير احمەتوۆ تۇلەكتەردى وقۋدى تابىستى اياقتاعان 50 اكادەميا تىڭداۋشىسىنا ارنايى كۋالىكتەرىن تابىس ەتتى.
بولاشاقتا تىڭداۋشىلار پارتيالىق كادرلىق رەزەرۆكە ۇسىنىلىپ, پارتيالىق ەليتانىڭ جاڭا قۇرامىن جاساقتاۋعا قاتىسۋعا مۇمكىندىك الادى. سونداي-اق اكادەميا تۇلەكتەرى مەملەكەتتىك ورگاندارعا لاۋازىمدى قىزمەتتەرگە ۇسىنىلاتىن بولادى.
ۆەنەرا تۇگەلباي,
«ەگەمەن قازاقستان»
