قازاقستان تاراپىن سىرتقى ىستەر ءمينيسترىنىڭ ورىنباسارى عالىمجان قويشىباەۆ, ازەربايجان تاراپىن سىرتقى ىستەر ءمينيسترىنىڭ ورىنباسارى حالاف حالافوۆ باستادى. كەزدەسۋ بارىسىندا باستى نازار قازاقستان پرەزيدەنتى نۇرسۇلتان نازارباەۆتىڭ 2017 جىلعى 2-3 ساۋىردەگى ازەربايجانعا جاساعان رەسمي ساپارى اياسىندا قول جەتكىزگەن ۋاعدالاستىقتارىن جۇزەگە اسىرۋ ماسەلەلەرىنە سالىندى.
تاراپتار ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى, كوپجاقتى ىنتىماقتاستىق بويىنشا جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى. كەلىسسوزدەردىڭ قورىتىندىلارى بويىنشا ەكىجاقتى كونسۋلتاتسيالاردىڭ جۇيەلى تۇردە ءوتۋىنىڭ ماڭىزدىلىعى اتالىپ ءوتتى.
