قازىر مەملەكەتتىك كورپوراتسيادا ماماندار وقۋدان ءوتىپ, وسى قىزمەتتى ۇسىنۋ بويىنشا باسقا دا دايىندىق جۇمىستارى جۇرگىزىلۋدە. جىلجىمايتىن م ۇلىككە قۇقىقتى تىركەۋ قۇزىرەتى مەملەكەتتىك كورپوراتسياعا بەرىلسە, قىزمەتتەردىڭ كورسەتىلۋ مەرزىمىن جانە تىركەۋ بارىسىنداعى شىعىندى قىسقارتۋعا, سونداي-اق قىزمەتتەردى كەشەندى تۇردە الۋعا جول اشىلماق.
بۇل ءوز كەزەگىندە اكىمشىلىك كەدەرگىلەردى جويىپ, سىبايلاس جەمقورلىقتىڭ الدىن الۋعا مۇمكىندىك بەرەدى. مىسالى, بۇگىندە ازامات جەكە باسپانا سالاتىن كەزدە مەملەكەتتىك كورپوراتسيا ارقىلى پايدالانۋعا قابىلداۋ اكتىسىنىڭ نەگىزىندە قۇقىقتىق كاداستردىڭ اقپاراتتىق جۇيەسىنە سايكەستەندىرۋ مالىمەتتەرىن ەنگىزەدى.
مالىمەتتەردى جۇيەگە ەنگىزگەن سوڭ ءبىر جۇمىس كۇنىنەن كەيىن مەنشىك قۇقىعىن تىركەۋ ءۇشىن وسى قۇجاتتاردى قايتا تاپسىرادى. فۋنكتسيالار كورپوراتسياعا بەرىلگەن كەزدە وسى ەكى قىزمەت حقو ارقىلى ءبىر وتىنىشپەن ۇسىنىلاتىن بولادى. نوتاريالدى كۋالاندىرىلماعان شارتتار مەن قۇقىقتاردى تىركەۋ بويىنشا قىزمەتتى الۋ ءتارتىبى دە وزگەرەدى. قازىر قىزمەت الۋشى الدىمەن ادىلەت مينيسترلىگىنىڭ جەرگىلىكتى بولىمشەسىنە بارىپ, نوتاريالدى كۋالاندىرىلماعان شارتتار بويىنشا قىزمەت الادى, سوسىن كورپوراتسيانىڭ فرونت-وفيسىنە بارىپ, قۇقىقتاردى تىركەۋ ءۇشىن قۇجاتتاردى تاپسىرادى. بۇل فۋنكتسيالار مەمكورپوراتسياعا وتكەندە ازاماتتار حقو-عا كەلىپ, ەكى قىزمەتتى ءبىر ءوتىنىش بويىنشا الا الادى. سونداي-اق مالىمەتتەردە قاتەلىكتەر مەن اقاۋلار كەزدەسىپ, اقپاراتتىق جۇيەگە تۇزەتۋ ەنگىزۋ كەرەك بولسا, قىزمەت الۋشى ادىلەت مينيسترلىگىنىڭ بولىمشەسىنە بارماي-اق, سول جەردە حقو وپەراتورىنىڭ كومەگىمەن جوندەي الادى.
دۋمان اناش,
«ەگەمەن قازاقستان»
