جوو باقىلاۋ كەڭەستەرى كونكۋرسقا ءوتىنىم بەرگەن 41 ۇمىتكەردىڭ ىشىنەن رەسپۋبليكالىق كونكۋرس كوميسسياسىنا 10 ۇمىتكەردى ۇسىندى. قازاقستان رەسپۋبليكاسىنىڭ ءبىلىم جانە عىلىم ءمينيسترى ەرلان ساعاديەۆتىڭ توراعالىق ەتەتىن, قۇرامىندا بەلگىلى مەملەكەتتىك جانە قوعامدىق قايراتكەرلەرى بار كوميسسيا رەكتورلاردىڭ بوس ورىندارىنا ۇمىتكەرلەرمەن بەتپە-بەت تىلدەسۋ جۇرگىزدى.
تىلدەسۋ جانە جوو دامۋ باعدارلامارىن تالداۋ قورىتىندىلارى بويىنشا كوميسسيا م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى رەكتورىنىڭ لاۋازىمىنا قوجامجاروۆا داريا پەرنەشقىزىن, م.وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتى رەكتورىنىڭ لاۋازىمىنا سەرعاليەۆ نۇرلان حابيبۋللا ۇلىن, ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتى رەكتورىنىڭ لاۋازىمىنا سىرلىباەۆ مارات قادىر ۇلىن, ى.التىنسارين اتىنداعى ارقالىق مەملەكەتتىك پەداگوگيكالىق ينستيتۋتى رەكتورىنىڭ لاۋازىمىنا قاۋنىشباەۆ سەيىتبەك بەكەن ۇلىن انىقتادى.
2016 جىلدان باستاپ جوو باقىلاۋ كەڭەستەرىنىڭ كونكۋرستىق سارالاۋ نەگىزىندە رەسپۋبليكالىق كوميسسيا 15 مەملەكەتتىك جوعارى وقۋ ورىندارىنىڭ رەكتورلارىن تاڭدادى.
