ونىڭ ايتۋىنشا, ەكى ءجاسوسپىرىم قازا تاپقان جازاتايىم وقيعانىڭ سەبەبىن انىقتايتىن كوميسسيا قۇرىلعان.
- بارلىق ليفت شارۋاشىلىقتارىنا تەكسەرۋ جۇرگىزىلەدى. 94 كوپ قاباتتى تۇرعىن ۇيدە 266 ليفت ورناتىلعان. ونىڭ 32-ءسى جۇمىس ىستەمەيدى, جەتەۋى جۇك ءليفتى, - دەيدى تالعار حايرۋللين.
تراگەديا بولعان ۇيدەگى جۇك ءليفتى 2012 جىلى دەمونتاجدالعان, ەسىكتەرى دانەكەرلەنگەن.
- جاسوسپىرىمدەردىڭ ليفت شاحتاسىنا قالاي كىرگەندەرىن تەرگەۋ جۇمىستارىن ارنايى قۇرىلعان كوميسسيا انىقتايدى, - دەيدى ت.حايرۋللين.
جازاتايىم وقيعا بولعان تۇرعىن ءۇي 2007 جىلى سالىنعان, 2010 جىلى 16 ءۇي كۇردەلى جوندەۋدەن ءوتتى, سول كەزدە ليفتىلەر دە جوندەلگەن. ليفتىلەردى ىسكە قوسۋمەن «كاسپي ليفت» جشس اينالىسادى, پيك, پاتەر يەلەرى مەن اتالعان مەكەمە اراسىندا ۇشجاقتى كەلىسىم جاسالعان.
ايتا كەتەيىك, 21 مامىر كۇنى ساعات 23:30-دا الماگۇل شاعىن اۋدانىنداعى ء№19 ۇيدىڭ 15-قاباتىنان جۇك تاسىمالدايتىن ءليفتىنىڭ شاحتاسىنا ەكى ءجاسوسپىرىم بالا قۇلاپ, مەرت بولدى.
باقىتگۇل باباش,
«ەگەمەن قازاقستان»,
