سايلاۋالدى تۇعىرناما سوڭعى ساراپتان ءوتتى

قاراشانىڭ سوڭعى جەكسەنبىسىندە ال­ما­تىدا «اق جول» دەمو­كرا­تيالىق پار­تيا­سىنىڭ ح سەزى بو­لىپ, وندا سايلاۋالدى تۇعىرنا­ما­نىڭ العاشقى نۇسقاسى تىڭدالىپ جانە پارلامەنت سايلاۋىنا تۇسەتىن ادامدار ءتىزىمى بەلگىلەنگەن بو­لاتىن. جالپى سانى 79 ادامدى تىزىمگە ەنگىزگەن اقجولدىق ۇمىتكەرلەردىڭ اراسىندا كاسىپورىن باسشىلارى, ءىرى بيزنەسمەندەرمەن قاتار, ەلگە بارىنشا تانىمال ءارى ۇلت جانا­شى­رى بولىپ جۇرگەن تالاي عا­لىم­دار مەن اقىن-جازۋشىلار, جۋر­ناليستەر, سپورتشىلار بار. سولاردىڭ ىشىندە امانگەلدى اي­تا­لى, سماعۇل ەلۋباي, يسرايل ساپارباي, قازبەك يسا, باقىت ءسار­سەك­باەۆ جانە ت.ب. بەلگىلى قازاق­ستاندىقتار بار. كەشە «اق جول» پارتياسىنىڭ استاناداعى ورتالىق كەڭسەسىندە وتىرىس بو­لىپ, وندا سەزد بارى­سىن­دا تال­قى­لانعان سايلاۋالدى تۇعىرنا­ما­نىڭ سوڭعى نۇسقاسى بەكىتىلدى. سەزدە بارلىعى 22 ادام شىعىپ سويلەپ, ۇسىنىلعان تۇعىر­نا­ماعا 100-دەن ارتىق وزگەرىستەر مەن تولىق­تى­رۋ­لاردى قوسۋ قا­جەتتىگىن ايتقان-تىن. ءبىز سولاردىڭ ءبارىن ەسەپكە الا وتىرىپ, ساي­لاۋ­الدى تۇ­عىرنامانى تولىقتىرىپ ءارى بارىنشا پىسىق­تاپ شىقتىق. ەندى ول سىزدەردىڭ بەكىتۋلەرىڭىزگە ۇسى­نى­لادى, دەدى پارتيا توراعاسى ازات پەرۋاشەۆ. سونىمەن بىرگە, ول كىرىسپە سوزىندە قازاقستاننىڭ از ۋاقىتتىڭ ىشىندە نارىقتىق ەكو­نوميكالى ەلگە اي­نا­لىپ, قوعام­دىق, الەۋمەتتىك تۇرعىدا تۇراقتى دامۋ جولىنا تۇسكەنىن اتاپ ءوتتى. – ازيا ەلدەرى اراسىنان ءبىرىنشى بولىپ ەقىۇ-عا توراعالىق ەتتىك. قازىر يادروسىز الەم جولىن­داعى حا­لىقارالىق قوزعالىستىڭ كوشباس­شى­سى بولىپ كەلەمىز. وسى­نىڭ ءبارى ەلىمىزدى سىرتقا تانى­تۋ جولىنداعى ولشەۋسىز ءتيىمدى قا­دامدار بولىپ وتىر. ارينە, بىزدە بارلىق پروبلەما شەشىمىن تاپتى دەپ ايتا الماي­مىز. اسىرەسە, اۋىل­دىڭ بولاشاعى, الەۋمەتتىك جاع­دايى تومەن وت­با­سىلاردىڭ ماسەلەسى ءبىزدى قاتتى الاڭداتادى, – دەدى توراعا. ودان ءارى سايلاۋالدى تۇعىر­نامانىڭ سوڭعى نۇسقاسى بويىنشا ورتالىق كەڭەس مۇشەلەرىنەن پىكىرلەرىن ايتۋ سۇرالدى. العاشقى بولىپ سويلەگەن امانگەلدى ايتا­لى جەتىلدىرۋدىڭ شەگى جوق ەكەنىن ايتا كەلىپ, بۇگىنگى تاڭدا وسى تۇ­عىر­­نا­مانىڭ جارايتىندىعىن اتاپ ءوتتى. ءبىزدىڭ باسقالاردان ءبو­لەكتىگىمىز – وسى زامانعا ساي كا­سىپكەرلىكتى دامىتۋعا, سونىڭ ىشىندە ولاردىڭ ۇلتتىق مۇددەنى, حا­لىققا جان­اشىر­لىعىن جاقتاۋ جا­عىنا ۇلكەن ءمان بەرىپ وتىر­مىز. سايلاۋالدى تۇعىرنامادا سونىڭ ءبارى كورسە­تىل­گەن, دەي كەلىپ, ا.ايتالى سايلاۋ­شىلار داۋى­سىن الۋ جولىنداعى كۇرەستىڭ كەيبىر ادىستەرى تۋرالى ءوزىنىڭ ويلارىن ورتاعا سالدى. – ءبىز باق مۇمكىندىكتەرىن با­رىنشا ءتيىمدى پايدالانۋعا ءتيىستىمىز. سونىڭ ىشىندە ءوزىمىزدىڭ «جاس قازاق ءۇنى» گازەتىنىڭ تيراجىن ارت­تىرىپ, ونىڭ كەڭىنەن تارالۋىنا مۇمكىندىك تۋدىرۋىمىز كەرەك. امەريكادا نەكرولوگتان باسقا ءدۇ­نيەنىڭ ءبارى سايلاۋ ءۇشىن تاماشا دەيدى ەكەن. سوندىقتان جەڭۋگە مۇمكىندىك تۋدىرا الاتىن ءدۇ­نيەنىڭ ءبارىن قولدانا ءبىلۋىمىز كەرەك, – دەدى ول. وسىدان كەيىن دە ورتالىق كەڭەستىڭ بىرنەشە مۇشەسى سويلەپ, تۇعىرنامانىڭ سوڭعى نۇسقاسىن بەكىتۋ قاجەتتىگىن ايتتى. وتىرىس قو­رىتىندىسىندا «اق جول» دەمو­كراتيالىق پارتياسىنىڭ ساي­لاۋال­­دى تۇعىرناماسى بەكىتىلدى. سونىمەن بىرگە, وسى وتىرىستا ازات پەرۋاشەۆ پارتيانىڭ بىرنەشە بايىرعى ءارى بەلسەندى مۇشەلەرىنە پرەزيدەنت نۇرسۇلتان نازارباەۆ­تىڭ جارلىعىمەن بەرىلگەن «قازاق­ستان رەسپۋبليكاسى تاۋەلسىزدىگىنە – 20 جىل» مەرەكەلىك مەدالدارىن تابىس ەتتى. ناگ­رادتالعانداردىڭ اراسىندا اقسا­قالدار كەڭەسىنىڭ توراعاسى امانگەلدى ايتالى, پارتيا توراعاسى­نىڭ ورىنباسارى ليۋدميلا جۋلانوۆا, «جاس قازاق ءۇنى» گازەتىنىڭ رەداكتورى قازبەك يسا, «مەلانج» اق پرەزيدەنتى شولپان جاراسوۆا جانە ت.ب. بولدى. ماراپاتتالعان­داردى پارتيا مۇشەسى, تانىمال ءانشى كەنجەعالي مىرجىقباەۆ انمەن قۇتتىقتادى. جاقسىباي سامرات.