بارگيدراۆليكالىق ەكسكاۆاتور كاسىپورىننىڭ ينۆەستيتسيالىق باعدارلاماسىمەن ساتىپ الىندى.جاڭا تەحنيكا جەر استىنداعى كومىر قازۋ جۇمىستارىن جارىلىسسىز شىعارۋعا مۇمكىندىك بەرمەك.
«شىعىس» كەنىشى ماماندارىنىڭ ايتۋىنشا, جەرگىلىكتى جەردەگى كەنىشتەردەن قالاي كومىر قازۋ جولدارىن جەرگىلىكتى ماماندار وتە جاقسى بىلەدى. سوندىقتان, كومىر قازۋ تەحنيكاسىن جاساۋعا تاپسىرىس بەردى. قازۋ تەرەڭدىگى- 10,75 مەتر. ەكسكاۆتور كەن قازۋدىڭ جوعارى تالاپتارىنا ساي قۇراستىرىلدى. R 976 ورناتىلعان LiebherrV8 قوزعالتقىشى, تومەن اينالىمدا دا جوعارى اينالادى.
- جانارماي از تۇتىنادى. جۇمىس ورنى جايلى. باقىلاۋ كامەرالارى سەنسورلىق ەكران مونيتورىمەن جابدىقتالعان. اۆتوماتتى سالقىنداتقىش ورناتىلعان, - دەيدى Liebherr R-976 ەكسكاۆاتورىنىڭ ءماشينيسى ا. بۋحانوۆ.
كەنىشتە ىسكە قوسۋ ءۇشىن ماشينيستەر بريگاداسى وندىرىستە پايدالانۋ جولدارىن «شۇباركول كومىر» اق-ىندا ۇيرەنىپ, دايىندالعان. كەنشىلەر ماشينانى پايدالانۋ, اقاۋ كەزىندە جوندەۋ جۇمىستارىن وتكىزۋگە قاتىستى. جالپى, «ەەك» اق «شىعىس» كەنىشى شەتەلدىك Liebherr فيرماسىمەن جىلدار بويى بىرگە جۇمىس ىستەپ كەلەدى. بۇل كۇندەرى كاسىپورىندا وسى فيرما قۇراستىرعان ەكسكاۆاتورلار, كراندار, تيەگىشتەر جانە بۋلدوزەرلەر ساپالى جۇمىس جاساۋدا. وڭىردەگى اقسۋ قالاسىندا ورنالاسقان كورپوراتسيا ەلىمىزدەگى ەلەكتر ەنەرگياسىنىڭ 17 پايىزىن, كومىردىڭ 20 پايىزىن وندىرەدى. كاسىپورىنعا اقسۋ ەلەكتر ستانساسى, ەكىباستۇداعى «شىعىس» كومىر كەنىشى جانە وندىرىستىك جوندەۋ بولىمشەسى قارايدى. كورپوراتسيادا 6 227 ادام ەڭبەك ەتۋدە.
فاريدا بىقاي,
«ەگەمەن قازاقستان»
ەكىباستۇز
سۋرەتتى تۇسىرگەن ەلەنا پانيكاروۆسكايا
