ماقساتى – تاجىريبە الماسۋ, ەلىمىزدەگى مەدياتسيا ينستيتۋتىن دامىتۋدىڭ جولدارىن سارالاۋ, مەدياتورلار اراسىندا كاسىبي بايلانىستاردى دامىتۋ جانە اسسامبلەيا اياسىندا داۋلاردى بالاما جولدارمەن شەشۋدى ناسيحاتتاۋدىڭ جاڭا فورمالارىن قاراستىرۋ. فورۋم جۇمىسى پلەنارلىق وتىرىستان, كاسىبي شەبەرلىكتى ارتتىرۋعا ارنالعان سەمينارلاردان, ينتەراكتيۆتى ترەنينگتەر بويىنشا وتكىزىلدى.
جيىنعا وبلىس باسشىلىعى, ءبىلىم بەرۋ, قۇقىق قورعاۋ جانە سوت جۇيەسىنىڭ وكىلدەرى, ەتنومادەني بىرلەستىكتەر, دەپۋتاتتار, جاستار جانە باق وكىلدەرى اتسالىستى.
پرەزيدەنت اكىمشىلىگى جانىنداعى قحا حاتشىلىعىنىڭ ساراپشىسى يناراراhيمزادا «قوعامدىق كەلىسىم مەن جالپىۇلتتىق بىرلىكتى قامتاماسىز ەتۋدەگى مەدياتسيانىڭ ءرولى» تاقىرىبىندا بايانداما جاسادى. ەلىمىزدىڭ ءار وڭىرلەرىنەن كەلگەن كاسىبي جانە قوعامدىق مەدياتورلار, سوت جانە قۇقىق قورعاۋ ورگاندارىنىڭ وكىلدەرى قاتىسىپ, پىكىر الماستى.وبلىس اكىمىنىڭ ورىنباسارى ءاليا ارىنوۆا مەدياتسيانى «قوعامدىق كەلىسىمدى دامىتۋدىڭ امبەباپ ينستيتۋتى»,- دەپ اتاپ ءوتتى.
«قوعامدىق كەلىسىم» مەكەمەسىنە قاراستى مەدياتسيا ورتالىعىنىڭ باسشىسى ولگا نيكولاشينانىڭ ايتۋىنشا, مەدياتسيانىڭ قوعامعا ارالاسۋىنىڭ جاڭا كەزەڭىنە ەنگەلى وتىر. فورۋم ورتالىق تىلدەسۋ الاڭىنا اينالىپ وتىر. مەدياتورلاردىڭ جۇمىسىن جۇرتشىلىققا پاش ەتۋگە جانە مەدياتسيانى ناسيحاتتاۋعا زور مۇمكىندىكتەر بەرەدى. ماقسات – دەموكراتيالىق قوعامدى دامىتۋداعى مەدياتسيانىڭ ءرولىن ارتتىرۋدا كۇش بىرىكتىرۋ.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ماقسات ايتباي
