كەزدەسۋ بارىسىندا تاۋ-كەن سالاسى, مۋنيتسيپالدىق جانە كولىك ينفراقۇرىلىمىن قوسا العاندا, ەكونوميكانىڭ ءتۇرلى سەكتورلارىنداعى, «جاسىل» ەكونوميكا مەن جاڭارتىلاتىن ەنەرگەتيكانى دامىتۋ, قازاقستاننىڭ جاھاندىق باسەكەگە قابىلەتتىلىگىن جاقسارتۋ مەن باسقا دا سالالارداعى قازىرگى جانە كەلەشەكتەگى بىرلەسكەن جوبالاردى ىسكە اسىرۋ ماسەلەلەرى تالقىلاندى.
ەققدب ىنتىماقتاستىعىنىڭ 20 جىلدان استام ۋاقىتى ىشىندە قازاقستاندا جالپى قۇنى €7,3 ملرد بولاتىن 240 بىرلەسكەن جوبا قارجىلاندىرىلدى. 2017 جىلى قۇنى $700 ملن استام بولاتىن 25 جاڭا جوباعا قول قويىلدى.
قازاقستانداعى ەققدب جوبالارىنىڭ قازىرگى قورجىنى €3,1 ملرد بولاتىن 118 جوبادان تۇرادى. ولاردىڭ قاتارىندا «قىزىلوردا — جەزقازعان — قاراعاندى — تەمىرتاۋ — استانا» باعىتتارى بويىنشا جۇرگىزىلەتىن «سارىارقا» ماگيسترالدى گاز قۇبىرىنىڭ قۇرىلىسى, «ورتالىق — وڭتۇستىك» ءدالىزىنىڭ «كۇرتى — قاپشاعاي» اۋماعىن رەكونسترۋكتسيالاۋ» جوباسى, «سامۇرىق-قازىنا» ۇاق اكتيۆتەرىن وتكىزۋ بويىنشا, اۆتوكولىك جولدارىنىڭ اقىلى جۇيەلەرىن ەنگىزۋ بويىنشا, «استانا — قاراعاندى — بالقاش — كۇرتى — قاپشاعاي — الماتى» اۆتوكولىك جولىنىڭ «ورتالىق — وڭتۇستىك» ءدالىزىن رەكونسترۋكتسيالاۋ» جوباسى تۋرالى, «كۇرتى — بۋرىلبايتال 2152-2214 شاقىرىم (62 شاقىرىم)», «اقتوبە, جامبىل جانە وڭتۇستىك قازاقستان وبلىستارىنىڭ سۋ شارۋاشىلىعى جانە گيدرومەليوراتسيالىق جۇيەلەرىن رەكونسترۋكتسيالاۋ» جانە باسقا دا جوبالار بار.
