وسىلايشا الماتى قالالىق جيتس الدىن الۋ جانە وعان قارسى كۇرەس ورتالىعىنىڭ مەديتسينالىق, مەملەكەتتىك, حالىقارالىق, قوعامدىق ۇكىمەتتىك ەمەس ۇيىمداردىڭ قىزمەتكەرلەرى, ايتۆ-مەن ءومىر سۇرۋشىلەر قوعامداستىعىنىڭ مۇشەلەرى حالىقارالىق جيتس قۇرباندارىن ەسكە الۋ كۇنىنە ارنالعان رەسپۋبليكالىق اكتسيالارعا قوسىلادى.
ميني-ينستاللياتسيا حالىقارالىق جيتس-كە قارسى كۇرەس سيمۆولى قىزىل لەنتا فورماسىندا «دوۆەريە پليۋس» قوعامدىق قوردىڭ قاتىسۋىمەن جاسالدى. ول جيتس ورتالىعىنىڭ اۋلاسىندا مەديتسينا قىزمەتكەرلەر مەن ءاوا وتىرعىزعان اعاشتار مەن گۇلدەردىڭ جانىنداعى كىشىگىرىم كولىك تۇراعىندا اشىلادى. جيتس قارسى كۇرەستىڭ ەكىنشى سيمۆولى – كۆيلتتى بەلسەندىلەر «مەدەۋ»مۇز ايدىنىنىڭ دەنساۋلىق باسپالداعىنىڭ ەڭ بيىگىنە كوتەرەدى. كۆيلت دەپ وتىعانىمىز, وسى اۋرۋدان كوز جۇمعانداردى ەسكە الۋ ءۇشىن قۇرالعان كەنەپ بولىكتەرى. قۇراقتى جيتس قۇرباندارىنىڭ تۋعان-تۋىستارى, دوستارى مەن سۇيىكتىلەرى, اتا-انالارى مەن بالالارى تىگەدى. بۇل- ءبىز جوعالتقان جانداردىڭ ءتىرى, كورىكتى ەستەلىگى.
سونىمەن قاتار بۇل كۇنى ءاوا قولداۋ ماقساتىنداعى جيتس, تۋبەركۋلەز, بەزگەككە قارسى كۇرەس جاھانداندىق قورىنىڭ گرانتى شەڭبەرىندە جۇمىس جاسايتىن جاڭا ۇەۇ داعدارىستىق ورتالىقتىڭ اشىلۋى وتەدى.
– اكتسيانىڭ ماقساتى, – دەيدى الماتى قالالىق جيتس الدىن الۋ جانە وعان قارسى كۇرەس ورتالىعىنىڭ باس دارىگەرى مارات توكەەۆ, – قوعامدى ايتۆ-پوزيتيۆكە تولەرانتتى قاراۋعا شاقىرۋ جانە بۇل كەز كەلگەنىمىزدىڭ باسىمىزعا ءتۇسۋ مۇمكىن ەكەنىن ەسكە سالۋ. ارقايسىسىمىز ءوز دەنساۋلىعىمىزعا ۇلكەن جاۋاپكەرشىلىكپەن قاراۋعا مىندەتتىمىز. ايتۆ-ينفەكتسياسىنىڭ ەپيدەمياسىن توقتاتۋعا حالىقارالىق ستاندارتتارعا سايكەس مىناداي مەملەكەتتىك شارالار كەشەنى ىقپال ەتەدى: الدىن الۋ, ەمدەلۋگە ءزارۋ بارلىق جاندى قولجەتىمدىلىكپەن قامتاماسىز ەتۋ, سونىمەن قاتار, ارينە, قوعام نازارىن بەلسەندى تۇردە اۋدارۋ.
بۇل پروتسەسستە ەرەكشە ورىندى ەپيدەميامەن كۇرەسۋدە الدىڭعى قاتاردا جۇرەتىن ادامدار مەن دارىگەرلەر الادى. ەمدەۋ ناتيجەسى مەن ناۋقاستاردىڭ ءومىرى ولاردىڭ كاسىبي دەڭگەيىنە, كىشىپەيىلدىلىگىنە, زەيىندىلىگى مەن ادالدىعىنا بايلانىستى.
انتيرەتروۆيرۋستىق تەراپياعا قول جەتىمدىلىكتى ارتتىرۋ, ايتۆ-مەن ءومىر سۇرەتىن ادامداردعا تولىققاندى ءومىر سۇرۋىنە, جۇمىس ىستەۋگە, ساۋ بالالاردى دۇنيەگە اكەلۋگە جانە قوعامدىق قىزمەتكە بەلسەندى قاتىسعا مۇمكىندىك بەرەدى.
جىل سايىن دۇنيەجۇزىلىك جيتس قۇرباندارىن ەسكە الۋ كۇنىن, مامىردىڭ ءۇشىنشى دەمالىسىندا اتاپ وتەدى.
بۇل كۇندى العاش رەت (World Remembrance Day of AIDS Victims) 1983 جىلى امەريكالىق سان-فرانتسيسكودا اتاپ وتكەن.
ايناش ەسالي,
«ەگەمەن قازاقستان».
الماتى
