مەرەكەلىك مەدالدار تاپسىرىلدى

كەشە الماتى قالاسىنىڭ اكىمى احمەتجان  ەسىموۆ مەملەكەت باس­شىسى ن.نازارباەۆتىڭ جارلىعىمەن  ماراپاتتالعان ەلىمىزدىڭ ءبىر توپ مەملەكەت قايراتكەرلەرىنە, الماتى قالاسىنىڭ قۇرمەتتى ازا­ماتتارىنا, مادەنيەت جانە ونەر وكىلدەرىنە «قازاقستان رەس­پۋبليكاسى تاۋەلسىزدىگىنە 20 جىل» مەرەكەلىك مەدالىن  تابىس ەتتى. – وسىدان  جيىرما جىل بۇرىن ءبىزدىڭ قالامىزدا   قازاقستاننىڭ ءتاۋ­ەلسىزدىگى جاريالانىپ, ەلىمىزدىڭ تۇڭعىش   پرەزيدەنتىن  ۇلىقتاعان يناۋ­گۋراتسيا ءوتىپ, زاڭدار, حالىق­ارا­لىق قۇجاتتار, كەلىسىمدەر   قا­بىل­دانعانى بارشاعا ءمالىم, – دەدى جيىندى اشقان  قالاباسى احمەتجان سماعۇل ۇلى. –  ەلباسىمىز قا­شاندا الماتىنى «تاۋەلسىزدىگى­مىز­دىڭ التىن بەسىگى» دەپ اسپەتتەپ, قۇرمەتتەيدى. ونىڭ ۇستىنە, بۇگىندە الماتىنىڭ ەلىمىز ومىرىندەگى قاي سالادا بولسىن ورنى ەرەكشە. سون­دىقتان  ەلباسىمىز كەڭەس ءداۋىرى كەزىندە ەلەۋلى ەڭبەك جاساعان ۇلكەن اعالارىمىزدان باستاپ, وزدەرىنە تيەسىلى  قىزمەتتەرىن ابىرويمەن ات­قا­رىپ جاتقان كەيىنگى بۋىن وكىل­دە­رىن   مەرەكەلىك مەدالمەن ماراپاتتاپ وتىر. وعان يە بولعاندار اراسىندا   شوتا ءۋاليحانوۆ, ەريك گۋكاسوۆ, اسقار ق ۇلىباەۆ, بيبىگۇل تولە­گە­نو­ۆا, كەڭەس اۋحاديەۆ, شاكەن نياز­بەكوۆ, نۇرلان ورازالين, ەرەن­­عايىپ شايحۋتدينوۆ, ءشامشا بەركىمباەۆا, جانسايا ءسابيتوۆا, گۇلنار ىقسانوۆا, مارفۋعا ايت­قوجينا, الىبەك دىنىشەۆ, مۇراتباي وك­شە­باەۆ, تاعى باسقالارى بار. – قازاقستان وسى جيىرما جىل­دىڭ ىشىندە بارلىق كورسەتكىشتەر بويىنشا ادام تانىماستاي وزگەردى, – دەدى مەرەكەلىك مەدالعا يە بول­عان­دار اتىنان ءسوز العان قوعام جانە مەملەكەت قايراتكەرى, الماتى قالاسىنىڭ قۇرمەتتى ازاماتى  سۇل­تان جيەنباەۆ. –  وعان بۇكىل الەم تاڭعالىپ وتىر. ويتكەنى, وسى ۋا­قىت ارالىعىندا قازاقستاننىڭ ەكو­نو­مي­كاسى ون ەكى ەسەگە ارتقان. مە­نىڭ­شە, مۇنداي كورسەتكىشكە وسىنشاما از ۋاقىتتىڭ ىشىندە ەشقانداي ەل  قول جەتكىزە العان جوق. سونداي-اق, وسى جيىندا ءوز ويىن بىلدىرگەن ەڭبەك ارداگەرى كەڭەس اۋحاديەۆ بابالارىمىز اڭساعان  تاۋەلسىزدىك جىلدارى ءومىر ءسۇرىپ وتىرعانىمىزدىڭ ءوزى ۇلكەن باقىت ەكەنىن تىلگە تيەك ەتە كەلىپ:  «مەن ەكى جاعدايدى ايتقىم كەلەدى. ونىڭ ءبىرى  ءولارا كەزدە نۇرەكەڭ تاۋەل­سىز­دىك تىزگىنىن قولىنا الىپ, ەلدى قي­ىنشىلىقتان الىپ شىقتى. ەكىنشىسى, سول قيىن ۋاقىتتا استا­نا­مىز­دى اقمولاعا كوشىرەمىز دەپ ۇسى­نىس جاساپ, شەشىم قابىلداۋ با­تىر­لىق دەپ ايتۋعا بولادى. ال ەندى بۇگىن قارايىقشى, استانامىز  ءتورت­كۇل دۇنيەگە بەلگىلى ەرەكشە, بۇگىنگى زامانعا ساي قالا. ال ال­ماتىمىز گۇل قالاعا اينالىپ وتىر. ءبىر مەترونىڭ ءوزى نەگە تۇرادى. بۇدان ءبىزدىڭ بولاشاعىمىزدىڭ جارقىن بولاتىنىنا ەش كۇمان كەلتىرە المايمىز», دەدى. گۇلزەينەپ سادىرقىزى.