اۋعانستاندى تۇراقتاندىرۋ جايى قارالدى

قازاقستان رەسپۋبليكاسى­نىڭ سىرتقى ىستەر ءمينيسترى ەرجان قازىحانوۆ گەرمانيا­نىڭ استاناسى بونندا وتكەن اۋعانستان جونىندەگى حالىق­ارا­لىق كونفەرەنتسياعا قاتى­سۋى اياسىندا ءوزىنىڭ بىرقاتار ەلدەردەگى ارىپتەستەرىمەن ەكى جاقتى كەزدەسۋلەر وتكىزدى. قا­زاقستان سىرتقى ساياسات ۆەدوم­ستۆوسىنىڭ باسشىسى, اتاپ ايت­قاندا, گەرمانيا, يراك, يندونەزيا, مالايزيا, قىتاي, ءتۇر­كىمەنستان, ت.ب. ەلدەر سىرتقى ىستەر مينيسترلەرىمەن ەكى جاق­تى ساۋدا-ەكونوميكالىق, ونىڭ ىشىندە كولىك جانە لوگيستيكا سالالارى بويىنشا ىنتىماق­تاس­تىق ماسەلەلەرىن تالقى­لادى. اڭگىمەلەسۋ بارىسىندا كەي­­بىر ەلدەرمەن ارىپتەستىك اۋقىمى ونىڭ الەۋەتىن تولىق كولەمىندە كورسەتە الماي وتىر­عانى نا­زار­عا الىندى. ماسەلەن, لات­ۆيالىق ارىپتەسىمەن كەزدەسۋ كەزىندە ەكى جاقتى ساياسي ءۇن­قا­تىسۋدىڭ جوعارى دەڭگەيى اتاپ ءوتىلدى. الدا ىنتى­ماق­تاس­تىق­تىڭ كەڭ اۋقىمى بويىنشا جۇمىستى ورىستەتە ءتۇسۋ نيەتى قۋاتتالدى. سونىمەن قاتار, قازاقستاننىڭ ەۋروپا ودا­عى­مەن, ەۋروپا كەڭەسىمەن ىن­تى­ماقتاستىعى ماسەلەلەرى ءسوز بولىپ, قازاقستاننىڭ 2015-2016 جىلدارعا بۇۇ قاۋىپ­سىز­دىك كەڭەسىنىڭ تۇراقتى ەمەس مۇشەلىگىنە قابىلدانۋعا جانە حالىقارالىق مامانداندى­رىل­­عان ەكسپو-2017 كورمەسىن ءوت­كىزۋگە تاپسىرىستارى قارالدى. ە.قازىحانوۆتىڭ پورتۋگاليامەن ساۋدا-ەكونوميكالىق ىن­تىماقتاستىقتى كەڭەيتۋ پەرس­پەكتيۆالارى وسى ەلدەگى ارىپتەسى پاولو پورتاشپەن كەزدەسۋىندە ءسوز ەتىلدى. مينيسترلەر اتالعان ماسەلەنى كەڭەي­تۋ ءۇشىن كەلىسىمدىك-قۇقىقتىق بازاعا ساراپتاما جاساۋدىڭ ما­ڭىزدىلىعىن اتاپ ءوتىپ, قا­زاقستان-پورتۋگاليا بيزنەس-فورۋمىن وتكىزۋگە دايىندىق جۇرگىزۋ جايىن تالقىلادى. قا­زاقستان ءسىم-ءىنىڭ باسشىسى پورتۋگاليا بيزنەسىنىڭ قازاق­ستانداعى يندۋستريالىق-يننو­ۆا­تسيالىق دامۋ باعدارلا­ما­سى­نا, اسىرەسە, اۋىل شارۋاشى­لى­عى مەن اۋىل شارۋاشىلىعى ونىمدەرىن وڭدەۋگە قاتىسۋى پەرسپەكتيۆالارى زور ەكەنىنە كوڭىل قويدى. پ.پورتاش ءوز كەزەگىندە قازاقستاندىق كومپا­نيا­لاردىڭ پورتۋگالياعا ينۆەستيتسيا سالۋ مۇمكىندىكتەرى زور ەكەنىن اتاپ ءوتتى. ە.قازىحانوۆتىڭ اقش مەم­­لەكەتتىك حاتشىسىنىڭ وڭ­تۇستىك جانە ورتالىق ازيا ەلدەرى بويىنشا ورىنباسارى روبەرت بلەيكپەن كەزدەسۋىندە ەكى جاقتى ىنتىماقتاستىقتىڭ پەرس­پەكتيۆالارى مەن اۋعان­ستان­داعى جانە ورتالىق ازيا ءوڭى­رىن­دەگى جاعدايلار تالقىلاندى. «ەگەمەن-اقپارات».