07 جەلتوقسان، 2011

كەزەكتەن تىس سايلاۋدىڭ تالاپقا ساي بولۋى ماڭىزدى

316 رەت كورسەتىلدى
پارلامەنت ءماجىلىسىنىڭ كەزەكتەن تىس سايلاۋىن باقىلاۋ جونىندەگى رەسپۋبليكالىق قو­عام­دىق كوميسسيانىڭ شتابى ءوز جۇمىسىن باستادى. بۇل ءجو­نىندە رەسپۋبليكالىق قوعام­دىق كوميسسيانىڭ مۇشەلەرى وسى ماسەلەگە ارنالعان باس­پا­سوز ءماسليحاتىندا حابارلادى. سونىمەن، اتالعان كوميس­سيانىڭ قۇرامىنا ون ادام ەنگىزىلدى. ولاردىڭ اراسىندا قر ۇعا اكادەميگى، بەلگىلى عالىم تورەگەلدى شارمانوۆ، «ايتپارك» قوعامدىق-ساياسي كلۋ­بى­نىڭ قۇرۋشىسى جانە مودە­راتورى نۇرلان ەرىمبەتوۆ، سايا­ساتكەر ايدوس سارىم، قا­زاق­ستان كينەماتوگرافيستەر ودا­عى­نىڭ توراعاسى يگور ۆوۆنيانكو، بەلگىلى زاڭگەر تاگير سيسەمباەۆ، قازاقستان ساياساتكەرلەرى اسسوتسياتسياسىنىڭ جەتەكشىسى ەسەنجول الياروۆ، «باس رەداكتورلار كلۋبىنىڭ» پرەزيدەنتى بولات ەرەجەپوۆ جانە باسقالار بار. «ايتپارك» قوعامدىق-سايا­سي كلۋبىنىڭ جەتەكشىسى نۇرلان ەرىمبەتوۆتىڭ پىكىرىنشە، «قوعامدىق كوميسسيانىڭ باستى ماقساتى جاڭا ساياسي ءما­دەنيەتتى، جاڭا ساياسي ءداس­تۇر­لەردى قالىپتاستىرۋ، ال مۇنىڭ ءوزى قازاقستانداعى سايلاۋدىڭ ءاردايىم ءادىل، تازا جانە اشىق وتۋىنە ىقپال ەتپەك». «پرەزيدەنتتىك سايلاۋدى ءوت­كىزۋ كەزىندە ءبىرشاما ءتاجى­ريبە جيناق­تال­دى. قازىر دە بىرقاتار ساياسي پارتيالاردىڭ كوشباسشى­لا­رى­­مەن اڭگىمەلەر وتكىزىپ، ولار­دى قانداي ءما­سەلەلەر تول­عان­دى­راتىنى جانە قىنجىلتا­تىن­­دىعى تۋرالى دا اڭگىمە قوز­عادىق. قالاي بول­عاندا دا كەزەكتەن تىس وتەتىن سايلاۋدىڭ كوپشىلىك سايلاۋ­شىلار كۇت­كەن­دەگىدەي تالاپ دەڭگەيىندە بو­لۋىنىڭ ماڭىزى زور»، دەدى ول. پارلامەنت ءماجىلىسىنىڭ كەزەكتەن تىس سايلاۋىن باقىلاۋ جونىندەگى رەسپۋبليكالىق قو­عام­دىق كوميسسيا شتابى ءمۇ­شەلەرىنىڭ قاتىسۋىمەن وتكەن ءباسپاسوز ءماسليحاتىندا ءسوز العان ب.ەرەجەپوۆ ءوز كەزەگىندە كلۋب مۇشەلەرىنىڭ اتقارعان ءبىر­قاتار اۋقىمدى ىستەرىنە توق­تالدى. بۇل، ەڭ الدىمەن، پارلامەنت ءماجىلىسىنىڭ جانە ءماسليحاتتاردىڭ سايلاۋلارىنا قاتىستى حارتيانىڭ قابىل­دا­نۋىنا تىكەلەي بايلانىستى. كوپ­شىلىكتىڭ ەسىندە بولسا، مۇن­داي حارتيا 2007 جىلعى پارلامەنت ءماجىلىسىنىڭ ساي­لاۋى ۇدەرىسى كەزىندە دە قابىل­دانعان ەدى. ول كەزدە بۇل قۇ­جات­قا بۇقارالىق اقپارات قۇرالدارىنىڭ 65 جەتەكشىسى قول قويعان بولاتىن. قازىردە وسى كلۋبتا 200-گە جۋىق باق باسشىلارى بار جانە دە ولار قول قويعان بۇقارالىق اقپارات قۇرالدارىن بەلسەندى تۇردە قولدايتىندىعىنا ۇلكەن سەنىم بىلدىرەدى. ب.ەرەجەپوۆتىڭ پايىمىن­شا، ەل ومىرىندەگى ەلەۋلى وقي­عالار – سايلاۋلار مەن وزگە دە ماڭىزدى ساياسي ناۋقاندارعا قاتىسۋ بارلىق جۋرناليس­تەر­دىڭ قوعامدىق مىندەتى ەكەندىگى ءسوزسىز. «بىزدەردىڭ بۇل كو­ميس­سياعا بىرىگۋىمىزدىڭ وزىندىك سەبەپتەرى دە جەتكىلىكتى، ويتكەنى، كوميسسيا بيىلعى جىلعى پرەزيدەنتتىك سايلاۋدا دا جۇمىس ىستەدى. اتقارىلعان ىستەر جانە ونى وتكىزۋ تابىسقا قول جەتكىزگەندىگى كوڭىلگە قۋانىش ۇيا­لا­تادى. ماسەلەن، ەقىۇ باي­قاۋ­شىلارى وزدەرىنىڭ ەسەپتەرىندە بۇل كوميسسيانىڭ جۇمى­سىن ويداعىداي باعالادى. ءبىر قۇپتارلىعى، باق تۋرالى ءبو­لىم­گە وزدەرىنىڭ ەسەپتەرىندە ولار­دىڭ ەشقانداي سىن-ەسكەر­تۋ­لەر ەنگىزبەۋى كوپ نارسەدەن حابار بەرسە كەرەك. ال، بۇدان شىعاتىن قورىتىندى – قازاق­ستاننىڭ بۇقارالىق اقپارات قۇرالدارى سايلاۋ تۋرالى ناقتى جانە اقيقاتتى تۇردە ءارى اشىق جازاتىندىعى ءىس ءجۇ­زىندە دالەلدەنىپ وتىر»، دەدى ب.ەرەجەپوۆ ءوز سوزىندە. قازىرگى تاڭدا رەسپۋبليكا بويىنشا 10 مىڭ سايلاۋ ۋچاسكەسى بار، مۇنىڭ ءوزى ءاربىر پار­تياعا وسىنداي كولەمدە باقى­لاۋشىلار قاجەت ەكەندىگىن اي­قىندايدى. ءباسپاسوز ءماسليحا­تىن ۇيىمداستىرۋشىلاردىڭ ەسەپتەۋىنشە، بۇگىندە تىركەۋگە ارنالعان 40 مىڭ قولدى جي­ناس­تىرۋدىڭ قاجەتتىلىگى زور. سونىڭ ناتيجەسىندە الداعى پارلامەنتتىك سايلاۋ پارتيا مۇشەلەرىنىڭ جۇمىس ىستەۋ قابىلەتتىلىگىن سىنعا سالماق. ءسوز رەتى كەلگەندە اتاپ اي­تارلىعى، قوعامدىق كوميسسيا جۇمىسىندا بىرقاتار جاڭا­لىق­تار دا بار. كوميسسيا الەۋ­مەتتىك ۇيىمدارمەن ارىپتەستىك جونىندە كەلىسىمگە كەلگەن. مۇنداي ارىپتەستىك، ەڭ الدى­مەن، سايلاۋ كەزىندە الەۋمەتتىك زەرتتەۋ وتكىزۋ ءۇشىن وتە قاجەت. ءسويتىپ، رەسپۋبليكالىق قوعام­دىق كوميسسيانىڭ شتابى ور­تالىق سايلاۋ كوميسسياسى مەن سايلاۋعا قاتىسۋشىلار ارا­سىنداعى ءتيىمدى بايلانىستىڭ نەگىزگى بۋىنى بولىپ تابىل­ماق. باقىت بالعارينا. الماتى.
سوڭعى جاڭالىقتار

تاريحي فينال

سپورت • كەشە

كەزەكتى بەلەس

پىكىر • كەشە

اسكەري توپوگراف

قوعام • كەشە

كەدەرگى فيلوسوفياسى

رۋحانيات • كەشە

ءبىزدىڭ ليۋي-كو

ونەر • كەشە

رۋح

سپورت • كەشە

تاۋ شاڭعىسىن قالايتىندار كوپ

قىسقى سپورت • كەشە

فينالدا جولى بولمادى

تەننيس • كەشە

ۇقساس جاڭالىقتار