07 جەلتوقسان، 2011

جيىرما جىلداعى جەمىستى ەڭبەك اتالدى

227 رەت كورسەتىلدى
كەشە پروكۋراتۋرا ورگاندارى قۇرىلۋىنىڭ 20 جىلدى­عىنا ارنالعان سالتاناتتى جينالىس بولىپ، وعان پرەمەر-مينيستر كارىم ءماسىموۆ، پارلامەنت سەناتىنىڭ توراعاسى قايرات ءمامي، پرەزيدەنت اكىمشىلىگىنىڭ وكىلدەرى، ورتالىق مەملەكەتتىك ورگاندار جەتەكشىلەرى، پروكۋراتۋرا ورگان­دارىنىڭ ارداگەرلەرى جانە شەتەلدىك قوناقتار قاتىستى. قازاقستان رەسپۋبليكاسى پرە­زيدەنتىنىڭ كومەكشىسى – قاۋىپ­سىز­دىك كەڭەسىنىڭ حاتشىسى مارات ءتا­جين مەملەكەت باسشىسى نۇر­سۇلتان نا­زارباەۆتىڭ قۇتتىق­تاۋىن وقىپ بەر­دى. «وسى جىلدار ىشىندە ءسىز­دەردىڭ ۆەدومستۆولا­رى­ڭىز ەلىمىزدەگى زاڭدىلىق پەن قۇ­قىقتىق ءتار­تىپتى قامتاماسىز ەتۋدە مەملە­كەت­تىڭ بەرىك تە سەنىمدى تىرەگىنە اي­نال­دى. پروكۋراتۋرا قىزمەتكەر­لەرى قوعام مەن مەم­لەكەتتىڭ ءمۇد­دەسىن ساقتاۋدى قور­عاۋدا جانە ەلى­مىزدىڭ قۇقىقتىق تۇراقتىلىعىن قامتاماسىز ەتۋدە ءوزىنىڭ جاۋاپتى مىندەتىن ابى­روي­مەن جۇزەگە اسى­رۋ­دا»،  دەپ كورسە­تىلگەن قۇتتىقتاۋدا. سودان كەيىن جينالعاندار الدىندا پرەمەر-مينيستر كا­رىم ءماسىموۆ، پارلامەنت سەنا­تى­نىڭ توراعاسى قاي­رات ءمامي، كونستيتۋتسيالىق كە­ڭەس توراعاسى يگور روگوۆ، جو­عار­عى سوت ءتور­اعاسى بەكتاس بەكنازاروۆ، ادىلەت ءمينيسترى راشيد تۇسىپبەكوۆ ءسوز سويلەدى. «زاڭدىلىقتى، ازاماتتاردىڭ قۇقىقتارى مەن بوستاندىقتارىن قورعاۋدا، قىلمىسپەن كۇرەستە، بيلىك ورگاندارىنىڭ قىزمەتىن قاداعالاۋدا نەگىزگى ءرولدى پروكۋراتۋرا اتقارادى»، – دەدى ق.ءمامي. تۇراقتى دامۋداعى جانە وزگە­رىپ وتىرعان الەۋمەتتىك تالاپ­تار­عا جاۋاپ بەرە الاتىن سوت جانە قۇ­قىق قورعاۋ جۇيەسى مەملەكەتتىڭ جوعارى جەتىستىكتەرىنىڭ كەپىلى ەكەنىن اتاپ وتە كەلىپ، ق.ءمامي پرو­كۋرورلىق قاداعالاۋدا قۇقىق­تىق جاعدايلاردى جەتىلدىرۋ، پروكۋراتۋرا قىزمەتىن زاڭنامامەن قام­تاماسىز ەتۋ ماسەلەلەرىنە نازار اۋداردى. «پروكۋرورلاردىڭ ءىس-قيمىلى­نا زاڭنامالىق تۇرعىدا كەپىلدىكتەر كۇشەيتىلدى، الدىن الۋ جانە ەسكەرتۋ جاساۋدىڭ قۇقىقتىق قۇ­رال­دارى كەڭەيە ءتۇستى. پروكۋراتۋرا ورگاندارىنىڭ قىزمەتكەرلەرىن الەۋمەتتىك قورعاۋدى نىعايتۋعا بارلىق جاعداي جاسالدى»، – دەپ اتاپ ءوتتى ق.ءمامي. قاداعالاۋ ورگاندارىنىڭ قۇ­قىق قورعاۋ باعىتىن اتاپ وتە كەلىپ، توراعا مامانداردىڭ كاسىبي بىلىكتىلىگى، جەدەل شەشىم قابىل­داۋ، تالاپشىلدىق جانە تابان­دى­لىق دەڭگەيىنە بايلانىستى ادام­داردىڭ زاڭعا سەنىمى، ءومىر­دىڭ بار­لىق سالاسىنداعى قۇقىق­تىق ءما­دە­نيەتى قالىپتاساتىنىن ايتتى. سالتاناتتى ءىس-شاراعا قاتى­سۋ­عا كەلگەن بەلارۋس، رەسەي، تاجىك­ستان، ۋكراينا، تەرگەۋ كوميتەتى، تمد باس پرو­كۋرورلارى، ۇيلەس­تى­رۋ كەڭەسى­نىڭ حاتشىلىعى دەلەگا­تسيا­لارى­نىڭ وكىلدەرى قازاقستان­دىق ءارىپ­تەس­تەرىنە ارناپ تىلەك ايتتى. باس پروكۋرور اسحات داۋ­ىل­باەۆ ورتا­لىق مەملەكەتتىك ورگاندار جەتەكشىلەرىنە، پروكۋراتۋرا ورگاندارى ارداگەرلەرى مەن قىزمەتكەرلەرىنە، شەتەلدىك قو­ناقتارعا پروكۋراتۋرا ورگان­دارى­نىڭ 20 جىلدىعىن مەرەكەلەۋگە  ارناپ شىعارىلعان مە­رەي­تويلىق مەدالداردى تابىس ەتتى. «ەگەمەن-اقپارات».
سوڭعى جاڭالىقتار

سۋ تاسقىنىنىڭ الدىن الۋ جۇمىستارى

توتەنشە جاعداي • بۇگىن، 20:40

افريكاداعى قازاق كينوسى

كينو • بۇگىن، 20:34

تارازى باسى تەڭ

سپورت • بۇگىن، 20:30

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار