كەزدەسۋ بارىسىندا قازاقستان رەسپۋبليكاسى مەن ەۋروپالىق وداق اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمدى ىسكە اسىرۋ, ساۋدا-ەكونوميكالىق ءوزارا ءىس-قيمىلدى كەڭەيتۋ جانە شەتەلدىك ينۆەستيتسيالاردى تارتۋ ماسەلەلەرى تالقىلاندى.
ايتا كەتۋ كەرەك, قازاقستاننىڭ ەۋروپالىق وداقپەن ساۋدا-ەكونوميكالىق بايلانىستارى جوعارى دەڭگەيدە ساقتالىپ وتىر. ەۋرووداق ەلىمىزدىڭ نەگىزگى ساۋدا جانە ينۆەستيتسيالىق سەرىكتەسى. ونىڭ ۇلەسىنە قازاقستاننىڭ سىرتقى ساۋدا اينالىمىنىڭ 50%-ى جانە ەل ەكونوميكاسىنا تارتىلعان شەتەلدىك كاپيتالدىڭ جارتىسىنان استامى تيەسىلى.
قازاقستان مەن ەو ەلدەرى اراسىنداعى تاۋار اينالىمى 2018 جىلدىڭ قاڭتار-اقپان ايلارىندا 5,5 ملرد دوللاردى قۇرادى, بۇل وتكەن جىلدىڭ وسىنداي مەرزىمىمەن سالىستىرعاندا 32,6%-عا جوعارى كورسەتكىش.
