باعدات عازيز ۇلىنىڭ ايتۋىنشا, بۇگىندە الماتىدا ءتۋريزمنىڭ 5 سالالىق قاۋىمداستىعى بار. قالا اكىمدىگىمەن بىرلەسىپ تۋريستىك نىسانداردى تىزىمدەۋ جۇرگىزىلدى, وڭىرلىك قاۋىمداستىق قۇجاتتاندىرىلعان. ەكولوگيالىق جانە ەتنو-تۋريزم – الماتى قالاسىنىڭ نەگىزگى تۋريستىك ونىمدەرى. الماتىنىڭ ەكولوگيالىق جانە ەتنو-ءتۋريزمىنىڭ ەكونوميكالىق الەۋەتى شەكسىز. تۋريزم جانە سىرتقى بايلانىس باسقاراماسى ەكولوگيالىق جانە ەتنوتۋريزمدى دامىتۋ ماقساتىندا 6 ەكولوگيالىق تۋريستىك تروپقا اباتتاندىرۋ جۇرگىزىلدى: مەدەۋ – كىماسار, مەدەۋ – گورەلنيك, مەدەۋ – كوكجايلاۋ, مەدەۋ – بۋتاكوۆكا, حالىقتىق سوقپاق, الماتاۋ – بۋتاكوۆكا.
قازاق ۇلتتىق قولونەرىن جاڭعىرتۋ جانە ونىڭ تانىمالدىلىعىن ارتتىرۋ ماقساتىندا «Qazaq-Oner» قولونەر شەبەرلەرىنىڭ ورتالىعى اشىلدى.
تاۋ مارشرۋتى ەنگىزىلگەن موبيلدىك قوسىمشانى ازىرلەۋ جانە «Ethnoland» ەتنو-مادەني كەشەنىنىڭ قۇرىلىسى جوسپارلانعان. كەشەننىڭ بەت بەينەسى رەتىندە جىبەك جولىنداعى ورتاعاسىرلىق قالا «الماتۋ» الىنادى, كوشپەندى مادەنيەت پەن زاماناۋي ءۇردىس قابىستىرالادى, - دەدى باعدات تەلەباي.
الماتى قالاسىنىڭ كاسىپكەرلەر پالاتاسىقالاداعى «تۋريستىك اقپاراتتىق ورتالىعى» جشس بىرلەسىپ تۋريستىك نىسانداردى تۇگەندەۋ جۇمىسىن جۇرگىزدى, 2544 ءتۋريستى نىسان زەرتتەلدى. بۇل تۇگەندەۋ-تەكسەرۋ جۇمىستارىنىڭ قورىتىندىسى بويىنشا تۋريزم جانە سىرتقى بايلانىس باسقاراماسى ء«تۋريزمدى دامىتۋدىڭ 100 قادامى» باعدارلاماسىنىڭ جوباسى مەن ونى جۇزەگە اسىرۋدىڭ جوسپارىن دايىندادى.
جوسپارلانعان ءىس-شارالار اياسىندا ىنتىماقتاستىققا جاڭا اۋە كومپانيالارى مەن لوۋكوستەرلەردى تارتۋ (FinnAir, WizzAir, BritishAirways, KLM, Etihad, Easyjet), شەتەلدىك ساياcاتتاۋشىلار ءۇشىن ۆيزا بەرۋ پروتسەسىن وڭتايلاندىرۋ, تۋريستەردى اقپاراتتاندىرۋ جۇيەسىن دامىتۋ مەن قولداۋ, الماتى قالاسى برەندىنىڭ ەۆوليۋتسياسى ەنگىزىلگەن ماركەتينگتىك ستراتەگيانى ازىرلەۋ, تابيعي كورىكتى جەرلەر, ۇلتتىق ساياباق پەن قورىقتاردىڭ اۋماعىن اباتتاندىرۋ, قوناقۇي, ەكو-فەرما اشاتىن جانە جۇمىس ورنىن قۇراتىن شارۋاقوجالىقتارى ءۇشىن جەڭىلدىكتەر مەن ارتىقشىلىق باعدارلاماسىن ازىرلەۋ, شيپاجايلار مەن دەمالىس بازالارىنىڭ جاعدايى مەن قىزمەت ساپاسىن ستاندارتتاۋ جانە جەتىلدىرۋ, مۋزەي, گالەرەيا, تەاترلار مەن باسقا دا مادەني ورىنداردى دامىتۋ جانە ورىستەتۋ بار.
– جوعارىداعى باعدارلامانى ىسكە قوسۋ 2018 جىلدىڭ ءىى توقسانىنا جوسپارلانعان. ءبىزدىڭ مىندەتىمىز جەرگىلىكتى اتقارۋشى ورگانمەن بىرلەسىپ, تۋريستەردىڭ قالاعا كەلۋىنەجايلى جاعداي جاساۋ, – دەدى بريفينگتە باعدات تەلەباي.
ايناش ەسالي,
«ەگەمەن قازاقستان».
الماتى
